«Astana Motors» kompanıasynyń bas dırektory Beknur Nesipbaev Úkimettegi brıfıńte Qazaqstanda jańa avtomobılder shyǵarýdy nege arttyryp jatqanyn túsindirdi. Onyń aıtýynsha, búginde elimizdiń avtokólik parkinde shamamen 5,5 mln mashına bar, onyń jartysynan kóbiniń paıdalaný merzimi 10-20 jyldan asady. Bul avtomobılderdi jańasyna aýystyrý qajet, sondyqtan naryqty jańa qytaı jáne koreı avtokólikterimen qamtamasyz ete alatyn zaýyttar salyndy, dep habarlaıdy infohub.kz.
«Bul avtomobılderdi aýystyrý kerek, ári jańasyna aýystyrý qajet. Sondyqtan biz qazaqstandyq naryqty senimdi jańa qytaı avtomobılderimen qamtamasyz ete alatyn zaýyt saldyq. Bizde Hyundai zaýyty bar, Qostanaıdaǵy áriptester de avtokólik shyǵarady», — dedi Beknur Nesipbaev.
Ol avtomobıl kásiporyndaryna salynǵan ınvestısıalar qazaqstandyq avtokólik parkin jańartýǵa baǵyttalǵanyn atap ótti. «Barlyq ınvestısıalar qazaqstandyqtardy jańa avtomobıldermen qamtamasyz etý jáne avtokólik parkiniń jańarýy úshin jasaldy», — dep málimdedi spıker.
Kompanıa basshysynyń dereginshe, Qazaqstanda jylyna shamamen 230 myń jańa avtomobıl satylady.