Qazaqstandaǵy barlyq jol-kólik oqıǵalarynyń 91 paıyzy jol qozǵalysy erejelerin óreskel buzýdan bolady, dep habarlaıdy infohub.kz saıty.
Kólik mınıstrliginiń málimetinshe, apattarǵa jıi sebep bolatyn jaǵdaılar: jyldamdyqty asyrý (33 paıyz), kólik baqylaýyn joǵaltý (14 paıyz), qashyqtyqty saqtamaý (13 paıyz) jáne jol belgileriniń talaptaryn elemeý (10 paıyz).
Vedomstvo júrgizýshilerdiń tártibin arttyrý apattardy azaıtýdyń basty tásili bolyp qala beretinin atap ótti.
Sonymen qatar, respýblıkalyq mańyzy bar joldarda jaǵdaı birtindep jaqsaryp keledi. 2026 jyldyń birinshi jartyjyldyǵynda jol-kólik oqıǵalarynyń sany 9 paıyzǵa — 1507-den 1371-ge deıin azaıdy, degenmen qozǵalys qarqyndylyǵy 37 paıyzǵa ósip, 22,3 mıllıon avtokólikke jetti.
Kólik mınıstrliginde eń tıimdi quraldardyń biri retinde ortasha jyldamdyqty baqylaýdy sanaıdy, ol jalpy uzyndyǵy 2,3 myń shaqyrymdy quraıtyn aqyly trassalarda qoldanylady. Vedomstvonyń dereginshe, ony engizgennen keıin bul ýchaskelerdegi apattar sany 17 paıyzǵa qysqarǵan.
Budan basqa, qaýipsizdikti arttyrý úshin jol ınfraqurylymy jańǵyrtylýda. Qazir 22 aqyly ýchaskede 56 lazerlik jyldamdyqty baqylaý kesheni jumys isteıdi. Jyl saıyn jol qyzmetteri 8 myńnan astam jol belgisin aýystyrady, jol syzyqtaryn jańartady, jańa baǵdarshamdar men jaıaý júrginshiler ótkelderin ornatady.