Qazaqstanda kelesi aptada kúshti juldyzdy jańbyrdy baqylaýǵa qolaıly jaǵdaı qalyptasady, dep habarlaıdy infohub.kz saıty.
KTK telearnasynyń tilshileri anyqtaǵandaı, aı jaryǵy qazaqstandyqtarǵa tamyz aıyndaǵy qýatty juldyzdy jańbyrdy kórýge kedergi keltirmeıdi. Kelesi aptada-aq olar saǵatyna júzge deıin juldyzdyń aǵyp túsýin kóre alady.
Astrologtardyń aıtýynsha, 12 men 13 tamyz aralyǵyndaǵy túnde Perseıdter meteor aǵynynyń belsendilik shyńy kútiledi. Mamandar bıyl baqylaý jaǵdaıy erekshe qolaıly bolatynyn atap ótedi. «Juldyzdy jańbyrdy tún ortasynan keıin tań atqansha baqylaǵan durys. Astronomdar jaryq baqylaýǵa kedergi keltirmeýi úshin qaladan alystaý kóshýdi usynady. Sonymen qatar, bıyl Perseıdter shyńy jańa aıdan keıin birden keledi, sondyqtan aı jaryǵy baqylaýǵa kedergi bolmaıdy», — delingen sújette.
Eger aýa raıy ashyq bolsa, qazaqstandyqtar saǵatyna júzge deıin meteordy kóre alady. Ol úshin arnaıy qural-jabdyq qajet emes. Aspannyń ashyq bóligi men kózdiń qarańǵylyqqa úırenýine birneshe mınýt jetkilikti.