Jambyl oblysynda sot jylqy ıesin poıyzben soqtyǵysqannan keıin keltirilgen shyǵyndy óteýge mindettedi. Er adam temirjol kompanıasyna 531 myń teńge tóleıdi, dep habarlaıdy infohub.kz.
Oqıǵa 2025 jyldyń qarashasynda Otar – Shý aralyǵynda boldy. Jolaýshylar poıyzy qozǵalyp kele jatqanda temirjol jolyna jylqy júgirip shyqty. Mashınıst shuǵyl tejeý men dybystyq sıgnal berdi, alaıda soqtyǵysýdyń aldyn alý múmkin bolmady.
Oqıǵa saldarynan elektrovoz zaqymdanyp, jóndeýge jiberildi. Qalpyna keltirý jumystarynyń qunyn temirjol kompanıasy 531 myń teńgege baǵalady.
Tergeý barysynda janýar ıesiniń tulǵasy anyqtaldy. Sot er adamnyń buryn temirjol janynda mal jaıý erejelerin buzǵany úshin ákimshilik jaýapkershilikke tartylǵanyn anyqtady.
Osydan keıin tasymaldaýshy Shý aýdandyq sotyna materıaldyq zalaldy óteý týraly talappen júgindi. Sot lokomotıvtiń zaqymdanýyna janýardy durys kútpeý jáne baılaýsyz jaıý sebep boldy dep taýyp, talapty qanaǵattandyrdy.
Sot jylqy ıesinen 531 myń teńge ótemaqy óndirip, memlekettik baj salyǵyn tóleýdi mindettedi.
Sot sheshimi áli zańdy kúshine engen joq.