Jetisaı aýdandyq prokýratýrasy ýaqytyly zeınetaqy aýdarymdaryn almaǵan bilim berý uıymdary qyzmetkerleriniń konstıtýsıalyq quqyqtaryn qalpyna keltirdi. Tekserýden keıin bereshek tolyq óteldi, dep habarlaıdy infohub.kz saıty.
Qadaǵalaý is-sharalary barysynda aýdandyq bilim bóliminiń vedimistik baǵynystaǵy mekemeler qyzmetkerlerine mindetti zeınetaqy jarnalaryn belgilengen merzimde aýdarmaǵany anyqtaldy. Buzýshylyq 41 bilim berý uıymynyń 3766 pedagogyn qamtydy. Aýdarylmaǵan qarajattyń jalpy somasy 33,8 mln teńgeni qurady.
«Tekserý aýdandyq bilim bóliminiń vedimistik baǵynystaǵy mekemeler qyzmetkerlerine qatysty mindetti zeınetaqy jarnalaryn ýaqytyly aýdarmaǵanyn kórsetti. Buzýshylyqtar 41 bilim berý uıymynyń 3766 qyzmetkerin qamtydy. Nátıjesinde jalpy somasy 33,8 mln teńge mindetti zeınetaqy jarnalary belgilengen merzimde aýdarylmady», – dep habarlady Túrkistan oblysy prokýratýrasynda.
Qadaǵalaý organynyń málimetinshe, bul qyzmetkerlerdiń ýaqytyly zeınetaqymen qamtamasyz etilýine konstıtýsıalyq quqyqtarynyń buzylýyna ákeldi. Prokýrorlyq qadaǵalaý aktisinen keıin buzýshylyqtar tolyǵymen joıylyp, barlyq mindetti zeınetaqy jarnalary tolyq kólemde aýdaryldy.