Zınedın Zıdan Fransıa ulttyq quramasynyń bas bapkeri bolyp taǵaıyndaldy. Buryn Real Madrıdti jattyqtyrǵan 54 jastaǵy maman bul qyzmetke resmı bekitildi, dep habarlaıdy infohub.kz saıty.
Dıde Desham Fransıa quramasyn 14 jyl basqarǵan edi. Ol 2026 jylǵy Álem chempıonatynyń jartylaı fınalynda Ispanıadan utylyp, qyzmetten ketti. Desham 2018 jyly Fransıany Álem chempıony atandyrǵan bolatyn.
Zıdan 1998 jyly Fransıamen birge Álem chempıony atanǵan. Ol 2021 jyly Real Madrıdten ketkennen beri jattyqtyrýshylyq qyzmetpen aınalyspaǵan. Endi ol Fransıa quramasyn 2030 jylǵy Álem chempıonatynyń irikteý kezeńine deıin basqaratyn kelisimshartqa qol qoıady.
Taǵaıyndalýyna baılanysty Zıdan: «Bul — úlken maqtanysh. Men árqashan aıtqanmyn: Fransıa ulttyq quramasynan asqan eshteńe joq. Sondyqtan bul quramanyń bapkeri bolý — qýanysh ári maqtanysh. Bul sonymen birge jaýapkershilik. Fransıa fýtbol federasıasynyń prezıdenti Fılıpp Dıalloǵa, atqarý komıtetine jáne federasıaǵa senimderi úshin alǵys aıtamyn. Dıde men onyń qyzmetkerleriniń 14 jylǵy eńbegin moıyndaımyn. Meniń barlyq jattyqtyrýshylaryma da erekshe alǵys. Fransıa quramasyna degen joǵary maqsattarym bar», — dedi.
Zıdannyń alǵashqy resmı oıyny 25 qyrkúıekte Ulttar Lıgasy aıasynda Túrkıaǵa qarsy ótedi.