InfoHub Logo

Ақтаудағы «МАЭК» ЖШС (Маңғыстау атом энергетикалық комбинаты) кәсіпорнында тұз қышқылының шашырауы салдарынан екі жұмысшы зардап шекті. Олар қазір Маңғыстау облыстық көпбейінді ауруханасында ем алуда.

Бұл туралы Infohub.kz ақпарат агенттігі хабарлайды.

Дәрігерлер зардап шеккендердің жағдайын бағалады

Жарақат алған екі қызметкер 23 сәуірде кешкі сағат 19:48-де аурухананың қабылдау бөліміне келген. Оларға бейінді маман-офтальмолог жедел түрде қаралды. Облыстық денсаулық сақтау басқармасының баспасөз қызметінің хабарлауынша, тексеру қорытындысы бойынша көздің қыртысының химиялық күйігі анықталған.

«Зардап шеккендердің жағдайы тұрақты деп бағаланды, өміріне қауіп жоқ. Медициналық көмек толық көлемде көрсетілді. Пациенттерге қажетті амбулаторлық ем тағайындалды», - деп хабарлады облыстық денсаулық сақтау басқармасы.

Оқиға қалай болды?

Бұған дейін хабарланғандай, екі жұмысшы конденсаторды қышқылмен жуу жұмыстарын атқарған. Тұз қышқылы ерітіндісі шланг арқылы, қышқылды айдау сорғышын пайдаланып берілген. Жұмыс аяқталғаннан кейін және сорғыш өшірілген соң, шлангты алған кезде тұз қышқылы ерітіндісі шашырап, бет пен көзге тиген.