InfoHub Logo

Армения Ресей телеарналарының көрсетілімін шектеуді ұсына бастады

Армения парламентінің спикері Ален Симонян Ресей телеарналарының ел аумағында таралуын шектеу мәселесін күн тәртібіне қойды. Оның айтуынша, қазіргі геосаяси жағдайда бұл тақырыпты байыппен қарастыру қажет.

«Менің ойымша, қазіргі жағдайда Ресей телеарналарының Армения аумағында көрсетілуін тоқтату мәселесін өте байыпты түрде талқылауымыз керек», — деді Симонян.

Ол ресейлік медиаресурстар Арменияның ішкі ісіне ықпал етіп отырса, мұндай трансляцияларға шектеу қою орынды екенін атап өтті.

Бұған дейін Ресей президентінің баспасөз хатшысы Дмитрий Песков Арменияда болып жатқан жағдайларға Кремльдің араласпайтынын мәлімдеген болатын. Оның айтуынша, премьер-министр Никол Пашинян мен Армян апостол шіркеуі арасындағы қақтығыс — елдің ішкі мәселесі.