InfoHub Logo

Астанадағы жеңіл рельсті көлік (LRT) жүйесіндегі «Жібек жолы» станциясы әзірге ашылмайды. «City Transportation Systems» (CTS) компаниясының мәліметінше, бұл станцияны пайдалануға беруге қажеттілік жоқ.

Бұл туралы Infohub.kz ақпарат агенттігі хабарлайды.

Неге станция әзірге ашылмайды?

Компанияның баспасөз қызметі хабарлағандай, «Жібек жолы» станциясы (№117) басқа станциялар сияқты толық дайын. Алайда, станция маңындағы құрылыс жұмыстары әлі жалғасып жатыр. Әсіресе, көп қабатты тұрғын үй кешендерінің құрылысы жүріп, олар әлі пайдалануға берілмегендіктен, станцияны ашудың қажеттілігі туындамаған.

«ЖК-лар пайдалануға беріліп, адамдар қоныстана бастаған кезде станция ашылады. Сонымен қатар, айналасындағы аумақты абаттандыру жұмыстары да жалғасуда», - делінген хабарламада.

Бұған дейін Астанадағы LRT станциясының инфрақұрылымдағы мәселелерге байланысты ашылмағаны туралы ақпарат тараған болатын.