InfoHub Logo

Қырғызстан астанасы Бішкекте бірнеше күн ішінде кәмелетке толмаған сегіз жасөспірімнің жоғалып кетуі елді дүрліктірді. Олардың кейбірі «Ак-Ниет» орталығынан шығып кетсе, енді бірі үйінен немесе мектебінен кетіп, қайта оралмаған.

Бұл туралы Infohub.kz ақпарат агенттігі хабарлайды.

«Ак-Ниет» орталығынан шығып кеткендер

Қаңтар және ақпан айларында әртүрлі күндері бірнеше жасөспірімнің үйінен және «Ак-Ниет» орталығынан шығып кеткеннен кейін байланыс үзілген. Кейбірін соңғы рет №72 мектеп маңынан және «Джал» тұрғын алабынан көргендер болған.

Лилия Толомушова, 2010 жылы туған. 20 қаңтарда «Ак-Ниет» орталығынан шығып кетіп, қайта оралмаған. Бойы 165–170 см, шашы ұзын, қара, дене бітімі орташа. Қара киім киген.

Билал Махмадалиевич Мусурманкулов, 2010 жылы туған. 12 ақпанда орталықтан шығып кетіп, жоғалған. Бойы 170–175 см, дене бітімі орташа, шашы қара.

Нурболот Улукбекович Замирбеков, 2011 жылы туған. 13 ақпанда орталықтан шығып кеткен. Бұған дейін де бірнеше рет қашып кеткен жағдайлары тіркелген.

Кристина Михайловна Суханова, 2011 жылы туған. 17 ақпанда орталықтан қашып кеткен. Мекенжайы: Курчатов көшесі, 70.

Ислам Токтогулов, 2011 жылы туған. 18 ақпанда орталықтан жоғалған.

Айданек Дуйшеева, 2009 жылы туған. 19 ақпанда №72 мектептен шыққаннан кейін хабар-ошарсыз кеткен.

Басқа аудандарда жоғалғандар

Мадина Тагаева, 2008 жылы туған. 9 қаңтарда «Калыс-Ордо» жаңа қонысындағы үйінен шығып, қайта оралмаған. Бойы 155–160 см, шашы ұзын, қара. Қара былғары күртеше, қара шалбар киген.

Чолпонай Эрнисовна Калмаматова, 2008 жылы туған. 16 қаңтарда Бішкектің 11-шағын ауданындағы үйінен шығып кеткен соң қайта келмеген. Қысқа ақ тон және қара-жасыл түсті джинсы киген.

Ақпаратты қайда хабарлау керек

Егер жоғалған жасөспірімдер туралы қандай да бір мәлімет білсеңіз, дереу милицияға хабарлаңыз. 102 нөміріне тәулік бойы қоңырау шалуға болады. Сондай-ақ мына байланыс нөмірлеріне хабарласуға болады:

Құқық қорғау органдары тіпті болмашы ақпараттың өзі іздеу жұмысына үлкен көмек болатынын айтады.