InfoHub Logo

Танымал блогер Керім Найманбаева әлеуметтік желіде өзіне қатысты айтылған пікірлерге жауап беріп, жеке өмірі мен көзқарастары туралы ашық жазба жариялады.

Бұл туралы Infohub.kz ақпарат агенттігі хабарлайды.

Найманбаева өзінің туған күнінен кейін көптеген «сарапшылардың» оны талқылай бастағанын айтып, бұл тақырыпты біржола жабуға ниетті екенін жеткізді. Ол өзінің менталды және психикалық тұрғыда сау екенін атап өтті.

Өмірлік ұстанымдардың өзгеруі

Блогер тұрмысқа шығу шешімі мен өмірлік ұстанымдарының уақыт өте келе өзгергенін мойындады. Оның айтуынша, қазіргі таңда әйел адамның өз бетімен табыс таба алуы өте маңызды.

«Мен күйеуімді махаббатпен таңдадым. Иә, жасырмаймын – мен үшін оның жағдайы да маңызды болды. Бірақ бүгінде көзқарасым өзгерді. Менің ойымша, әйел адам денсаулығы, ақылы және ниеті болса, өзі ақша таба алуы керек. Ер адамның ақшасын күтіп отыру дұрыс емес. Ана болу мені қатты өзгертті. Өмірге тереңірек қарай бастадым. Меніңше, барлық адам тең. Әркім өз қалауынша өмір сүруге құқылы: жұмыс істеуге, дамуға, табыс табуға, өз жолын таңдауға», - деді блогер.

Қоғам пікірі мен табиғи мінез

Керім Найманбаева қоғам тарапынан айтылатын сынға қатысты пікір білдіріп, әр адамның мінезі әртүрлі болатынын атап өтті.

«Неге мені назарды жақсы көргенім үшін айыптайсыздар? Мен ешкімнің назарын тартып алып жатқан жоқпын. Егер біреуге ұнасам – бұл маған жағымды. Ұнамасам – ол да қалыпты жағдай. Мен бәріне ұнауға міндетті емеспін. Менен үнемі “балалық травма” іздеудің қажеті жоқ. Кейбір адамдар сондай болып туады: сахнаны, назарды, эмоцияны, ойынды жақсы көреді, әртүрлі болуды ұнатады. Бұл – травма емес. Бұл – табиғат», - деп қорытындылады блогер.