InfoHub Logo

Австрия астанасында өткен юбилейлік «Евровидение» байқауында Болгарияның Dara есімді әншісі «Bangaranga» әнімен топ жарды. Бұл туралы DW басылымына сілтеме жасап, Tengrinews.kz хабарлады.

Бұл туралы Infohub.kz ақпарат агенттігі хабарлайды.

Dara әлемдік букмекерлік кеңселердің фавориттері саналған финляндиялық дуэт пен австралиялық Дельта Гудремді артта қалдырды. Дауыс беру қорытындысы бойынша, үздік ондыққа келесі әншілер кірді: 2-орын – Ноам Беттан (Израиль), 3-орын – Александра Кэпитэнску (Румыния), 4-орын – Дельта Гудрем (Австралия), 5-орын – Саль да Винчи (Италия), 6-орын – Линда Лампениус және Пете Паркконен (Финляндия), 7-орын – Сёрен Торпергор Лунн (Дания), 8-орын – Satoshi (Молдова), 9-орын – LELÉKA (Украина) және 10-орын – Akylas (Греция).

Байқау тарихындағы қиындықтар

Биылғы 70-ші «Евровидение» байқауының дайындығы тарихтағы ең қиын кезеңдердің бірі болды. Израильдің қатысуына байланысты бес ел байқауды бойкоттады. Бұл шешімге Израильдің Газа секторындағы әскери операциясы себеп болды. 2023 жылдың қазан айында 1200-ден астам адамды өлтірген ХАМАС тобының шабуылына Израильдің жауабы нәтижесінде ондаған мың палестиналық қаза тапты.

Бірінші жартылай финалда, 12 мамырда, израильдік Ноам Беттан өнер көрсеткен кезде залда антиизраильдік белсенділердің айқайы естілді. Алайда, финалда көрермендер Израиль өкілін жылы қабылдады. Ол екінші орынды иеленді. Байқауға Израильдің қатысуына қарсы сенбі күні жоспарланған үш мың адамдық наразылық акциясы мың адамға да жетпеді.