InfoHub Logo

Әлемге танымал қазақстандық әнші Димаш Құдайберген өнердегі жаңа қадам жасап, продюсерлік қырынан көрінетін болды. Бұл туралы әнші өзінің әлеуметтік желісіндегі парақшасында қуанышты жаңалығымен бөлісті.

Бұл туралы Infohub.kz ақпарат агенттігі хабарлайды.

Жаңа жоба: Әлемдік аренаға жаңа есімдер

Димаш Құдайберген енді өзінің мол тәжірибесін жас әртістерге үйретіп, оларды халықаралық деңгейде танытуды мақсат етеді. Оның алғашқы продюсерлік жобасы ретінде «Voice Beyond Horizon» байқауының жеңімпазы Нұржас Садырбаев таныстырылды. Бұл туралы әнші былай деп жазды:

«Достар, бір жаңалықпен бөліскім келіп отыр: Hunan TV арнасындағы «Voice Beyond Horizon» жобасының алғашқы жеңімпазы — Нұржас Садырбаевты продюсерім ретінде қарамағыма алдым. Мен 15 жылға жуық мансабымды халықаралық байқаулардан бастап әлем бойынша жеке концерттерге дейін әртіс ретінде ұзақ жолдан өттім. Енді сол тәжірибеммен бөлісіп, еліміздің атынан Азиядан Америка құрлығына дейінгі әлемдік ареналарда өнер көрсететін әртіс дайындайтын кез келді!»

Бірлік пен қолдау – табыстың кілті

Димаш Құдайберген жас әртістерге қолдау көрсетудің маңыздылығын атап өтті. Оның айтуынша, бұл жолдағы басты күш – бірлік пен өзара сенім.

«Осы жолдағы басты күшіміз — біздің қолдауымыз бен бірлігіміз. Бүгін студиядағы бірлескен жұмысымыздың көрінісін алғаш рет ұсынғалы отырмын. Ән ресми түрде алдағы аптада жарық көреді. Астана уақыты бойынша сағат 17:00-де менің YouTube арнамда кездесеміз. Кездескенше», - деп қорытындылады әнші.