InfoHub Logo

Интернет арқылы жалған билет сатумен айналысқан ер адам қолға түсті. Тергеу дерегінше, ол онлайн хабарландыру беріп, Дженнифер Лопестің алдағы концертіне екі билет сатқан. Алайда билеттердің жалған екені концерт күні белгілі болып, сатып алғандар ішке кіре алмаған.

Жәбірленушілер полицияға арыз түсіргеннен кейін күдікті анықталып, қамауға алынды. Қазір оның әрекеттеріне қатысты тергеу амалдары жүріп жатыр. Құқық қорғау органдары осындай жағдайға тап болмас үшін билеттерді тек ресми сатылым орындарынан алуға кеңес береді.