InfoHub Logo

Футболдан Ирак құрамасының шабуылшысы Аймен Хусейн АҚШ-қа ұлттық командамен бірге 2026 жылғы әлем чемпионатына келгеннен кейін Чикагодағы О'Хара әуежайында шамамен жеті сағат бойы ұсталып, тергелді.

Бұл туралы Infohub.kz ақпарат агенттігі хабарлайды.

Телефон тексерілді

Басылымның мәліметінше, бұл туралы Ирак спорт шенеунігі Reuters агенттігіне хабарлаған. Қатардың «Әл-Хор» клубында ойнайтын шабуылшыға АҚШ-қа кіруге рұқсат берілгенімен, құраманың фотографы елге кіре алмады.

Хусейннің телефоны АҚШ-қа келгенде тексерілген.

Фотографқа да кіруге рұқсат берілмеді

«Ұлттық құраманың фотографы Талал Салах он сағаттан астам уақыт ұсталып, телефонды тексеруден өтіп, ақыры АҚШ-қа кіруге рұқсат алмады», - деді шенеунік.

Әлем чемпионатының плей-офф кезеңінде Боливияға (2:1) жеңіс голын соғып, құраманы әлем чемпионатына шығарған Хусейн мен Ирак футбол федерациясы бұл жағдайға қатысты пікір білдірмеді.

Ирак үшін бұл тарихтағы екінші әлем чемпионаты болады. Команда соңғы рет 1986 жылы турнирге қатысқан, бірақ топтық кезеңнен аса алмаған.

Әлем чемпионаты 11 маусым мен 19 шілде аралығында АҚШ, Канада және Мексикада өтеді. Ирак құрамасы Франция, Сенегал және Норвегия командаларымен бірге I тобында өнер көрсетеді.