InfoHub Logo

Иранның әскери басшылығы елге жасалған соңғы шабуылдардан кейін елеулі шығынға ұшырағанын мәлімдеді. Израиль мен АҚШ-тың бірлескен операциялары салдарынан бірқатар жоғары лауазымды офицерлер қаза тапты.

Бұл туралы Иранның IRNA агенттігі хабарлады. Агенттіктің мәліметінше, Қорғаныс кеңесінің хатшысы адмирал Әли Шамхани мен Ислам революциясы сарбаздары корпусының бас қолбасшысы, генерал-майор Мұхаммед Пакпур қаза болғандар қатарында.

Сондай-ақ, ел қорғаныс министрі Әзиз Насирзаде, Қарулы күштер Бас штабының бастығы Абдулрахим Мусави және барлау министрлігінің басшыларының бірі Хадж-Мұхаммед Басеридің де қаза тапқаны туралы ақпарат тарады.

Бұған дейін Иранда елдің жоғарғы көшбасшысы Әли Хаменеидің өлімі расталған болатын. Осы оқиғадан кейін Ислам революциясы сарбаздары корпусы Иран қарулы күштері тарихындағы ең жойқын шабуыл операциясын бастауға уәде берген еді.