tengrinews.kz
Иранның Жоғарғы көсемі халқына және Парсы шығанағы елдеріне үндеу тастады
Иранның Жоғарғы көсемі Моджтаба Хаменеи ел халқына және Парсы шығанағы елдеріне үндеу жасады. Ол Ислам республикасының АҚШ пен Израильмен қазіргі қақтығыста жеңіске жеткенін айтты.
Бұл туралы Infohub.kz ақпарат агенттігі хабарлайды.
Иранның жеңісі және талаптары
Хаменеидің айтуынша, Иран «үшінші эпостық қасиетті қорғаныста» жеңіске жеткен. Ол Тегеранның соғыс іздемейтінін, бірақ өз құқықтарынан бас тартпайтынын атап өтті. Сондай-ақ, Иран Ормуз бұғауын бақылауды жалғастыратынын және АҚШ пен Израиль келтірген шығындар мен «мәртебелі шейіттердің» төгілген қаны үшін өтемақы талап ететінін мәлімдеді.
Өш алу және көршілерге ескерту
Иран көсемі бұрынғы көсем Әли Хаменеи мен басқа да қаза тапқан ирандықтар үшін кек алуға дайын екенін айтты. Ол Парсы шығанағы елдерін «дұрыс жолды таңдауға» және «шайтандардың жалған уәделеріне алданбауға» шақырды.
АҚШ президентінің мәлімдемесі
АҚШ президенті Дональд Трамп 8 сәуірге қараған түні Иранмен екі апталық бітімгершілік туралы келісімге қол жеткізілгенін хабарлаған болатын. Кейінірек Трамп бейбіт келісім бұзылса, Иранға «анағұрлым ауыр салдар болатынын» ескертті.
-
Танымал әнші Қайрат Нұртастың үлкен ұлы Нарұлдың мектепте мұғалімімен билеген видеосы көпшіліктің қызу талқысына түсті.
-
Мемлекеттік аудит әлеуметтік маңызы бар азық-түлік бағасын тұрақтандыруға тиіс корпорациялардың жұмысындағы жүйелі кемшіліктерді әшкереледі. Жоспарланған мақсаттарға қол жеткізілмегенімен, басшылыққа үстемеақылар мен сыйақылар төленген.
