Tengrinews.kz / Турар Казангапов
Ішкі істер министрлігі жастарды «оңай ақшаның» артындағы қауіп туралы ескертті
Жазғы демалыс қарсаңында Қазақстанның Ішкі істер министрлігі мектеп оқушылары мен студенттерге үндеу тастады. Министрлік интернеттегі «оңай табыс» туралы жалған ұсыныстарға алданып қалмауға шақырды.
Бұл туралы Infohub.kz ақпарат агенттігі хабарлайды.
Интернеттегі «оңай жұмыс» – қауіпті арна
Ішкі істер министрлігінің мәліметінше, жаз айларында әлеуметтік желілерде және интернетте «еш қиындықсыз тез ақша табу» туралы жарнамалар жиі пайда болады. Алайда, бұл ұсыныстардың көбі есірткі заттарын тарату, жарнамалау және тасымалдау сияқты заңсыз әрекеттермен байланысты екені анықталды.
Есірткі қылмысына қарсы іс-қимыл комитеті төрағасының орынбасары Қуандық Алжанов бұл әрекеттердің қаншалықты қауіпті екенін атап өтті. Ол 16 жастан бастап есірткі қылмыстары үшін қылмыстық жауапкершілік болатынын еске салды.
«Бостандық ақшадан қымбат»
«Бір сәттік «оңай жұмыс» бүкіл өміріңді күйретуі мүмкін. Егер сізге күмәнді жұмыс ұсынылса, бас тартуға шақырамыз. Жылтыраған жалған ақша үшін бостандығыңызды, тағдырыңызды және өміріңізді тәуекелге тікпеңіз. Ақылмен таңдау жасаңыз – бір жазға емес, өмір бойына. Бостандық ақшадан қымбат. Болашақ пайдадан маңызды», – деді Қуандық Алжанов.
Министрлік есірткіге қатысты қылмыстар үшін жазаның өте қатаң екенін және өмір бойына бас бостандығынан айыруды қамтуы мүмкін екенін баса айтты.
-
Гражданин Казахстана смог взыскать с должника сумму, которую он выплатил по его кредиту, благодаря решению суда.
-
Ұлттық статистика бюросы Қазақстан бойынша орташа және медиандық жалақы туралы деректерді жариялады. Бірінші тоқсандағы көрсеткіштер қандай болды?
