InfoHub Logo

Жапонияда 21 жастағы студент қыз өзімен екі жыл бойы қарым-қатынаста болған ер адамның туған әкесі екенін кейіннен білген. Бұл жағдай қыздың жүктілігінен кейін анықталды.

Бұл туралы Infohub.kz ақпарат агенттігі хабарлайды.

Оқиға Вакана Сонобе есімді студент қыздың университетке түскеннен кейін 48 жастағы ауқатты ер адаммен танысуынан басталған. Олардың арасындағы қарым-қатынас тез арада жақындыққа ұласып, қыз жүкті болып қалған. Алайда, екі жылға жуық уақыт өткен соң ғана ер адамның оның туған әкесі екені белгілі болды.

Шындық қалай ашылды?

Қыздың анасы оны 17 жасында жалғыз өзі тәрбиелеп өсірген. Биологиялық әкесі бала кезінде тек материалдық көмек көрсетіп, қызымен тығыз байланыста болмаған. Вакана мен ер адам «папакацу» форматында, яғни орта жастағы ер адамның жас қызға қаржылай көмек көрсетуі арқылы танысқан. Екеуі де бір-бірінің туыстық байланысын білмеген.

Шындық Вакананың әкесін анасымен таныстырған кезде ашылыпты. Анасы ер адамды бірден танып, жағдайды түсіндірген.

Қарым-қатынастың өзгеруі

Бұл жаңалықтан кейін қыз жүктілігін үзуге мәжбүр болған. Оның айтуынша, шындық белгілі болған соң арадағы сезім мен қарым-қатынас күрт өзгерген. Қазіргі таңда Вакана университетті аяқтап, болашақта өз бетінше өмір сүруді жоспарлап отыр. Ол тіпті әкесімен байланысын толық үзу мүмкіндігін де қарастырып жүрген көрінеді.