InfoHub Logo

UFC ұйымы Конор Макгрегор мен Макс Холлоуэй арасындағы келесі жекпе-жекті ресми түрде жариялады. Бұл кездесу UFC 329 турнирінде өтеді.

Бұл туралы Infohub.kz ақпарат агенттігі хабарлайды.

Жекпе-жек туралы толық ақпарат

Жартылай орта салмақтағы бұл айқас 11 шілдеде АҚШ-тың Лас-Вегас қаласында өтеді. Макгрегор мен Холлоуэй бұған дейін 2013 жылдың тамызында кездескен болатын. Сол кезде ирландиялық файтер төрешілердің бірауыз шешімімен жеңіске жеткен еді.

Конор Макгрегор – UFC аңызы

Ирландиялық файтер екі салмақ дәрежесіндегі чемпион болған. Ол екі бірдей салмақ дәрежесіндегі титулды бір мезгілде иеленген тарихтағы алғашқы спортшы атанды. Макгрегор соңғы рет 2021 жылдың 11 шілдесінде UFC 264 турнирінде октагонға шыққан болатын. Сол кезде ол Дастин Порьемен үшінші рет кездесіп, бірінші раундта аяғын сындырып алған еді.

Макс Холлоуэй кім?

Америкалық файтер UFC тарихындағы ең үздік спортшылардың бірі, бұрынғы жеңіл салмақтағы чемпион. Ол ұзақ жылдар бойы өзінің салмағындағы үздіктердің қатарында болды. 2017 жылы UFC 212 турнирінде Макс Холлоуэй Жозе Алдуды нокаутқа жіберіп, жеңіл салмақтағы чемпиондық белдігін иеленді. Кейіннен ол бұл титулды үш рет қорғап қалды. Соңғы рет 2026 жылдың наурызында UFC 326 турнирінде Чарльз Оливейрадан жеңіліп, BMF белдігінен айырылды.