InfoHub Logo

Енді пәтерді сатып алғаннан кейін екі жыл ішінде сатсаңыз, табыс салығын төлеуге тура келеді. Бұл туралы Мемлекеттік кірістер комитетінің (МКК) жеке тұлғалардың табыстарын әкімшілендіру басқармасының басшысы Дина Құсайынова мәлімдеді.

Бұған дейін азаматтар пәтерді сатып алғаннан кейін бір жыл ішінде сатса, салық төлемеу үшін бір жыл күтуге мәжбүр болатын. Енді бұл мерзім екі жылға ұзартылды. Яғни, 2026 жылдан бастап сатып алынған мүліктерге жаңа ереже қолданылады.

МКК өкілінің айтуынша, егер сіз 2026 жылдың қаңтарында пәтерді 25 миллион теңгеге сатып алып, 2027 жылдың қаңтарында сатсаңыз, онда ескі салық кодексінің нормалары бойынша бір жылдық мерзім есептеледі. Ал егер 2026 жылдың қаңтарында сатып алып, 2027 жылдың қаңтарынан кейін сатсаңыз, онда екі жылдық мерзім есепке алынады.

Егер мүлікті сатудан алынған пайда 36 миллион теңгеден аспаса, салық 10 пайыз болады. Ал бұл сомадан асса, салық мөлшерлемесі 15 пайызға дейін өседі.