InfoHub Logo

Еліміздің ерен тұлғаларының бірі, аты аңызға айналған актриса Меруерт Өтекешова жаңа фильмде басты рөлдердің бірін сомдайды. Бұл жолы ол тарихи тұлға, ғалым әрі саяхатшы Шоқан Уәлихановтың әжесі, Айғаным Сарғалдаққызының бейнесін сомдамақ. Картина толықметражды көркем-деректі драма ретінде көрерменге жол тартпақ.

Бұл туралы Infohub.kz ақпарат агенттігі хабарлайды.

Фильмнің ерекшелігі

Жобаның авторы – белгілі журналист Майя Бекбаева. Фильмді «Жетісу» телеарнасы үшін Президенттік бастамалар қорының «Дара» қорының қолдауымен түсіріп жатыр. Жақында ғана фильмге арналған онлайн-кастинг аяқталды. Актрисаның рөліне бекітілуі көпшілікті қуантты.

Айғаным рөлінің маңыздылығы

Тарихшылардың айтуынша, Айғаным Сарғалдаққызы Шоқан Уәлихановтың тұлға болып қалыптасуына зор ықпал еткен. Ол Шоқанды небәрі 12 жасында Омбы кадет корпусына оқуға жіберуді қолдап, білімі мен тәрбиесіне үлес қосқан.

Басты рөлде кім?

Фильмде Шоқан Уәлихановтың рөлін танымал қазақстандық актер Ерлан Құлмырзин сомдайды. Ол «Сәлем, Еуропа» және «Пацаны» сияқты танымал туындылар арқылы көрерменге жақсы таныс.

Картинаның экранға қашан шығатыны әзірге белгісіз.