InfoHub Logo

1998 жылғы Олимпиаданың қола жүлдегері, мәнерлеп сырғанаушы Людмила Прокашева 2026 жылғы Олимпиадада алтыншы орын алған Надежда Морозоваға демеушілер пәтер сыйлауы тиіс деп санайды. Себебі, он бірінші орын алған мәнерлеп сырғанаушы Софья Самоделкина демеушілерден баспана алған.

Бұл туралы Infohub.kz ақпарат агенттігі хабарлайды.

Спортшыға қолдау көрсету керек

Прокашеваның айтуынша, жергілікті спортшы Надежда Морозоваға қолдау қажет. Ол спортшының ұзақ уақыт бойы дайындалғанын және екі Олимпиадаға қатысқанын атап өтті. Морозова әлі медаль алмаса да, жоғары нәтижелерге жеткен.

«Шынымды айтсам, Морозоваға пәтер сыйласа екен деймін. Өйткені ол ұзақ уақыт бойы жаттықты. Надежда екі Олимпиадаға қатысты, әлі медаль алмаса да, үлкен жетістіктерге жетті. Егер 10-орын алған мәнерлеп сырғанаушы Софья Самоделкина сияқты, үздік алтылыққа енген Надежданы пәтермен марапаттайтын демеуші табылса, бұл әділ болар еді. Оның үстіне, Надежда – біздің қазақстандық спортшымыз, Астанада туып-өскен, бүкіл өмірінде біздің туымызды қорғап келді. Сондықтан Надеждаға тұрғын үй сертификаттары берілуі керек деп ойлаймын. Егер бұл болмаса, әділдікті қайдан іздеу керектігін білмеймін», - деді Людмила Прокашева.

Мемлекеттік қолдау

Қазақстан заңнамасына сәйкес, спортшылар Олимпиада, Паралимпиада және Сурдлимпиада ойындарында алтыншы орыннан төмен емес нәтиже көрсетсе, мемлекет тарапынан сыйақы алады. Алайда, мемлекеттен пәтер тек аталған жарыстарда алғашқы үш орынды иеленгендерге беріледі.