InfoHub Logo

Ресей Федерациясы президентінің баспасөз хатшысы Дмитрий Песков қазіргі ақпарат кеңістігінде жалған мәліметтердің көбейгенін атап өтті. Оның айтуынша, мұндай фейктерді кейде беделді ақпарат құралдары да таратып жатады.

— Қазіргі таңда ақпарат ағыны өте көп. Арасында шындыққа жанаспайтын материалдар бар. Кейде оларды тіпті аса сенімді саналатын басылымдар да жариялап жібереді. Сондықтан тек ресми және түпнұсқа дереккөздерге ғана сену қажет, — деді Песков.

Бұл мәлімдеме Financial Times жариялаған материалға қатысты айтылған пікір іспетті. Баспасөз хатшысы бұл ақпараттың ақиқатқа сәйкес келмейтінін жанамалай жеткізді.