InfoHub Logo

Қазақстан Президенті Қасым-Жомарт Тоқаев Үндістан Премьер-министрі Нарендра Модиге Уттар-Прадеш штатындағы қатты дауылдан көптеген адам қаза тапқанына байланысты көңіл айту жеделхатын жолдады.

Бұл туралы Infohub.kz ақпарат агенттігі хабарлайды.

Мемлекет басшысы қаза тапқандардың отбасыларына қолдау сөздерін жеткізіп, зардап шеккендердің тезірек сауығып кетуін тіледі.

Дауыл салдары

Сәрсенбі күні Уттар-Прадеш штатына жайылған найзағай мен қатты жел соққан қуатты дауыл салдарынан кем дегенде 89 адам қаза тапты. The Times of India газетінің хабарлауынша, дауылдан бірнеше ауданда ауқымды қираулар орын алды.