InfoHub Logo

Қазақстанда инвесторлардың құқықтарын қорғауды күшейтуге бағытталған маңызды заңнамалық өзгерістер қабылданды. Парламент Сенатының депутаттары сайлау, прокуратура және әлеуметтік қамсыздандыру мәселелері бойынша түзетулерді екі бірдей оқылымда мақұлдады. Бұл жаңалық инвесторлар үшін елеулі өзгерістер әкеледі деп күтілуде.

Бұл туралы Infohub.kz ақпарат агенттігі хабарлайды.

Президент Жарлығын жүзеге асыру аясында бірқатар заң актілеріне өзгерістер енгізілді. Олардың негізгі мақсаты – инвесторлардың құқықтарын қорғауды күшейту, инвесторлар құқығын қорғау комитетін құру және мемлекеттік органдардың инвестициялық жобаларды сүйемелдеудегі үйлестірушілігін жетілдіру.

Бас прокурор – Инвестициялық омбудсмен

Жаңа ереже бойынша, Қазақстан Республикасының Бас прокурорына инвесторлардың құқықтары мен заңды мүдделерін қорғау функциясы бекітіліп, Инвестициялық омбудсмен өкілеттігі беріледі. Бұл шешім инвесторлардың өздерін қауіпсіз сезінуіне және бизнесті дамытуға ықпал етеді.

Өңірлік деңгейде инвесторлардың құқықтарын қорғауды облыстық және оларға теңестірілген қалалардың (Астана, республикалық маңызы бар қалалар) прокурорлары – инвестициялық прокурорлар жүзеге асырады.

Активтерді қайтару және бақылау

Заңға сәйкес, активтерді қайтару бойынша уәкілетті орган болып Бас прокуратура белгіленді. Бұл орган банк құпиясы, сақтандыру құпиясы, микрокредит беру құпиясы және бағалы қағаздар нарығындағы құпияны құрайтын ақпараттар мен құжаттарды сұратуға құқылы тұлғалардың тізімін нақтылайды. Сондай-ақ, активтердің заңды шығу тегін анықтау мақсатында тексеру тағайындауға уәкілетті тұлғалардың аясы да нақтыланды.

Бұдан бөлек, заң бойынша, қайтарылған активтердің көлемі, уәкілетті органның күмәні бар активтердің құнынан асса, ондай күмәндер реттелді деп есептеліп, активтердің заңдылығы расталғандай болады.