InfoHub Logo

Қытайдың Синьцзян-Ұйғыр автономиялық ауданында тұратын этникалық қазақтардың зейнетақы мөлшері қазақстандықтар арасында қызу талқылау туғызды.

Кұлжада қазақ мәдениеті сақталған

Кұлжа (Инин) қаласында жергілікті қазақтар өз тілін де, дәстүрін де ұмытпаған.
61 жастағы Қабидолла Көкеш туристік аймақта тұрады және өз үйін қонақүйге айналдырған. Ол келген меймандарды дәстүрлі қазақ және ұйғыр тағамдарымен қарсы алады.

«Қонақжайлық – қанымызда бар. Қонақты кәдімгідей бешбармақ, бауырсақ, қазы-қарта, соуспен күтіп аламыз. Етті жайлаудан жақсысын алып, өзіміз сойып, дайындаймыз. Кұлжада қазақ көп, тілді ұмытқан жоқпыз. Қонақ қай елден болса да, сол тілде сөйлесуге тырысамыз», — дейді ол.

Қытайдағы қазақ зейнеткерлері айына 400 мың теңгеден аса зейнетақы алады

65 жастағы Құрметжан Мамеджан да бірнеше жылдан бері шағын қонақүй ұстап отыр. Айтуынша, мемлекеттен жақсы зейнетақы алса да, қол қусырып отырғысы келмейді.

«Балаларымыздың бәрі жоғары оқу бітірді. Қызым Үрімжіде оқыды, ұлым да. Екінші қызым Бейжіңде оқыды. Оқу да, жатақхана да — бәрін мемлекет төледі. Тіпті шөберем де бес жыл Бейжіңде оқыды — бәрі ақысыз. Мен айына 6000 юань (шамамен 450 мың теңге) аламын, әйелім 5000 юань (шамамен 370 мың теңге) алады. Бізге жетеді. Ештеңеге мұқтаж емеспіз. Ел тыныш, халық жақсы тұрады, балалар оқиды — мұны біз шүкір дейміз», — дейді ол.

Анықтама

Қытайдың Синьцзян өңірінде шамамен 1,5 миллион этникалық қазақ тұрады. Одан бұрын жергілікті мұғалім де Қытайдағы қазақтардың тұрмысы туралы пікір білдірген болатын.