InfoHub Logo

Украина президенті Владимир Зеленский Киев пен Мәскеу арасындағы үш күндік бітім туралы мәлімдемені растады. Бұл келісім 9-11 мамыр аралығында күшінде болады және тұтқындарды алмасуды қамтиды.

Бұл туралы Infohub.kz ақпарат агенттігі хабарлайды.

Мемлекет басшысы Х әлеуметтік желісінде бұл туралы хабарлап, Ресеймен 1000-нан 1000-ға дейінгі әскери тұтқындарды алмасуға келісім берілгенін айтты. Сондай-ақ, 9, 10 және 11 мамыр күндері тыныштық режимін орнату көзделген.

Зеленский бұл келісімге қол жеткізуге атсалысқан АҚШ президенті Дональд Трамп пен оның командасына алғыс білдірді. Украина тарапы Вашингтонның Мәскеумен жасалған уағдаластықтардың орындалуын қамтамасыз ететініне сенеді.

Ресей президентінің көмекшісі Юрий Ушаковтың айтуынша, Ресей АҚШ президентінің бітімді 11 мамырға дейін ұзарту және тұтқындарды «1000-1000» формуласымен алмасу туралы бастамасын қолдауға келіскен.

Бұл келісімге Ресей билігінің АҚШ президенті әкімшілігімен жүргізген келіссөздері барысында қол жеткізілген. Ақ үй өкілдері Киевпен де байланыста болған.