InfoHub Logo

Ресейдің Қауіпсіздік Кеңесі Төрағасының орынбасары Алексей Шевцовтың мәлімдеуінше, Ресейдің "Росатом" корпорациясының Қазақстан мен Қырғызстанда атом электр станцияларын (АЭС) салуына «Батыс» тарапынан кедергі келтіру әрекеттері бар.

Бұл туралы Infohub.kz ақпарат агенттігі хабарлайды.

«Батыстың» әрекеті

Шевцовтың сөзінше, «Батыс» Ресейдің көршілес «бауырлас елдерге» АЭС салуына жол бермеуді мақсат еткен. Ол кейбір бұқаралық ақпарат құралдарының Ресей мемлекеттік корпорациясының беделін түсіруге тырысқанын, мұның артында ірі гранттар тұрғанын айтты.

Дискредитациялық науқан

«Атом энергетикасын, мысалы, Қазақстан мен Қырғызстанда салуға қатысты соңғы оқиғаларды алсақ, Росатомның біздің бауырлас елдерге кірмеуі үшін Росатомды дискредитациялау бойынша ауқымды ақпараттық науқан ұйымдастырылды. Мұндай әрекеттер болып жатыр және жалғаса береді. Бұл іске көптеген адамдар жұмылдырылған, қаржыландыру мол. Бұл жұмыспен Батыс және Батысшыл БАҚ айналысады. Олар гранттар алып, оны немесе игеріп, есеп береді, немесе қаражатты жымқырады», - деп келтіреді ТАСС Шевцовтың сөзін.

Контекст

Айта кетейік, «Росатом» Қазақстандағы алғашқы АЭС құрылысы бойынша консорциумды басқарады. Аталған станцияда өндірілетін электр энергиясының құны қанша болатыны туралы ресми мәлімет әлі жоқ. Дегенмен, сала сарапшылары бұл бағытта болжамдар жасап үлгерді.