InfoHub Logo

Адам баласының арманы мен мақсатына жету жолында кездесетін қиындықтар ешқашан таусылмайды. Бірақ сол қиындықтарды жеңіп, биік белестерді бағындырған адамдар бар. Олар – өз ісіне сенген, тынымсыз еңбек еткен және ешқашан үміт үзбеген жандар. «Сенің де қолыңнан келеді» деген сенім – осы тұлғалардың өмірінен алынған нақты дәлел. Бұл мақалада біз әлемге әйгілі тұлғалардың өмір жолына үңіле отырып, әркімге жігер беретін мысалдарды ұсынбақпыз.

1. Опра Уинфри: Жетімдер үйінен медиа империяға дейін

Опра Уинфри – қазіргі заманның ең ықпалды әйелдерінің бірі. Ол ауыр балалық шақты бастан өткерген, кедейлікте өскен, жыныстық зорлық-зомбылықтың құрбаны болған. Бірақ соның бәріне қарамастан, ол ешқашан өз арманынан бас тартқан жоқ. Радио мен теледидар саласында еңбек ете жүріп, өз шоуын ашты. Уақыт өте келе оның аты брендке айналды. Бүгінде Опра – медиа бизнесінің миллиардері, қайырымдылық қоры арқылы мыңдаған адамға көмектесіп келеді.

Қандай жағдай болмасын, сенім мен табандылық адамды биікке көтереді. Опраның өмірі – кез келген қиындықты жеңуге болатынының дәлелі.

2. Джек Ма: 30 рет жұмысқа тұра алмай, 1 миллиардтық компания құрған

Alibaba Group компаниясының негізін қалаушы Джек Ма – Қытайдағы ең бай адамдардың бірі. Ол мектепте үлгерімі нашар болды, университетке бірнеше рет түсе алмады, ал жұмысқа орналасу үшін 30 рет өтініш бергенімен, бәрінен бас тарту алған. Тіпті KFC-де де жұмысқа алынбаған. Бірақ ол өз идеясын жүзеге асыру үшін тоқтамады. Нәтижесінде ол 1999 жылы Alibaba компаниясын құрып, бүгінде оны әлемдік деңгейдегі электронды коммерция алпауытына айналдырды.

Сәтсіздік – тек уақытша құбылыс. Ең бастысы – мақсаттан айнымау және үздіксіз әрекет ету.

3. Жанна Дарк: Жастығына қарамастан, елінің батыр қызы

Жанна Дарк – Францияның ұлттық кейіпкері. Ол небәрі 17 жасында француз әскерін бастап, елін жау қолынан қорғауға атсалысқан. Оның ерлігі мен қайсарлығы тарихта алтын әріптермен жазылды. Жанна жеңілісті білмеген рухымен танылды.

 Жас та болсаң, үлкен істер атқаруға болады. Қорықпау, сену және батыл әрекет жасау – үлкен өзгерістердің бастауы.

4. Ілияс Жансүгіров: Қиын заманда қазақ рухын сақтап қалған

Қазақ әдебиетінің көрнекті өкілі Ілияс Жансүгіров өз заманының қатал цензурасына қарамастан, ұлтына адал қызмет етті. Ол өлеңдері мен поэмалары арқылы қазақ халқының рухани мұрасын жаңғыртты. Таланты мен табандылығы арқасында қазақ сөз өнеріне өшпес із қалдырды.

Қиындық пен қысым болған шақта да ұлттық мұрат пен жеке сенім үшін күресу – нағыз ерлік.

Көріп отырғанымыздай, табысқа жеткен әр тұлғаның артында – үлкен еңбек, тер төгілген уақыт пен темірдей тәртіп жатыр. Олар ерекше туған жоқ, олар да сен сияқты адам. Бірақ олардың ең басты ерекшелігі – ешқашан тоқтамады. Сен де өзіңе сенсең, арманыңа адал болсаң, әрекеттен жалықпасаң – қолыңнан бәрі келеді.

Бүгін баста. Кеш емес. Сенің де қолыңнан келеді!

Автор: Ораз Бердалы Ғабитұлы