InfoHub Logo

Спорт журналисі Дидар Кадыров Қазақстанда спортқа бөлінетін бюджет қаржысының спортшыларға жетпейтінін айтып, сынға алды. Оның айтуынша, мәнерлеп сырғанаушы Михаил Шайдоровтың Олимпиададағы алтын жүлдесі ел үшін үлкен жетістік болғанымен, бұл – жүйенің емес, жеке тұлғалардың жеңісі.

Бұл туралы Infohub.kz ақпарат агенттігі хабарлайды.

Журналисттің пікірінше, Мемлекет тарапынан спортқа бөлінетін қаржының тиімді пайдаланылмауы, жаттықтырушылардың төмен жалақысы мен инфрақұрылымның ескіруі сияқты мәселелерге әкеліп соғады. Осыған байланысты, Кадыров 250 мың доллар көлеміндегі Шайдоровтың жүлдесін спортты дамытуға бағыттауды ұсынды.

Спорттық жетістіктер мен қаржыландыру мәселесі

Дидар Кадыров: «Олимпиада чемпионына 125 миллион теңге бергенше, кейбір спорт түрлерінің қаржыландыруын арттыруға болар еді. Шайдоровқа мемлекеттен қосымша қаржысыз-ақ жетеді деп ойлаймын. Оның үйіне дейін асфальт төсесін, жастарға көмек қолын созып, ақшаның спортшыларға жеткенін қалаймын. Егер ақша дұрыс жұмсалса, бәрі жақсы болады. Қалыпты аудит жүргізілсін. Бірақ бұл – Қазақстанда орындалуы қиын, өте қарапайым нәрселер. Себебі Шайдоровтың әкесі де ақшаның өздеріне жетпегенін айтқан болатын. Бұл – өте өкінішті жағдай. Бұл жетістік жүйенің емес, Михаилмен бірге болған жеке тұлғалардың еңбегі екенін көрсетеді», – деді.

Шайдоровтың жетістігі және оның марапаты

Михаил Шайдоровтың Олимпиада алтыны оған тарихи табыс әкелді. Ол тек спорттық жетістіктермен ғана емес, сонымен қатар қомақты қаржылай сыйақымен де марапатталды. Спортшыға және оның әкесіне көлік пен пәтер де уәде етілген болатын.