InfoHub Logo

Ресейлік театр мен киноның танымал тұлғасы, актер әрі режиссер Владимир Довжик 58 жасқа қараған шағында өмірден озды. Бұл туралы «Человек» театрының ресми парақшасы хабарлады.

Бұл туралы Infohub.kz ақпарат агенттігі хабарлайды.

Актерлік жолы

Владимир Довжик 1998 жылдан бері «Человек» театрында қызмет етті. Ол тек актер ретінде ғана емес, режиссер ретінде де танылып, «Приключения бегемотика Бантика» және «Про Машу» сияқты қойылымдарды сахналады. Сондай-ақ, «Искусство» спектаклінде басты рөлдердің бірін сомдаған.

Театр ұжымы марқұм туралы: «Жан-жақты, зерделі, сезімтал актер әрі дарынды режиссер Владимир Довжик Театрымыздың дамуына үлкен үлес қосты. «Человек» театры Владимир Давидовичтің туған-туыстары мен жақындарына, әріптестері мен көптеген жанкүйерлеріне қайғырып көңіл айтады. Жаны жәннатта болсын!» деп жазды.

Кинодағы еңбектері

РБК басылымының мәліметінше, Довжик кино саласында жүзден астам рөлді сомдаған. Ол «Склифосовский» сериалында нейрохирург Юрий Михайлович Шейнман рөлін, «Бригада» сериалында заңгерді, актриса Людмила Гурченко туралы фильмде режиссер Ян Фридтің рөлін ойнаған.

Сонымен қатар, актер Леонид Парфеновпен бірге түсірілген «Живой Пушкин», «Мосгаз. Дело № 11: Розыгрыш», «Мамочки» сериалдарында, Станислав Говорухиннің «Конец прекрасной эпохи» фильмінде де көрінген.