InfoHub Logo

Уганда армиясының бас қолбасшысы, ел президентінің ұлы Мухузи Кайнеругаба әлеуметтік желіде Түркияға қатысты бірқатар мәлімдеме жасады. Ол Түркияның Угандамен болатын соғыста тірі қалуға мүмкіндігі жоқ екенін айтып, Ыстамбұлда оны батыр ретінде қарсы алатынын мәлімдеді.

Бұл туралы Infohub.kz ақпарат агенттігі хабарлайды.

Анкарадан 1 миллиард доллар мен ең сұлу әйелді талап етті

Кайнеругаба Израильге Тель-Авивті қорғау үшін «500 мың аш адамды» жіберуді ұсынды. Сонымен қатар, ол Анкарадан 1 миллиард доллар төлеуді және Түркияның ең сұлу әйелін өзіне әйелдікке беруді талап етті.

Мәлімдемелердің себебі

«Страна Политика» Telegram арнасының мәліметінше, Түркияға қарсы мұндай мәлімдемелер екі ел арасындағы Сомали мәселесі бойынша шиеленіскен қарым-қатынастарға байланысты болуы мүмкін. Бұл аймақта бұрын Уганда Африка Одағының туы астында әрекет еткенімен, соңғы уақытта Түркияның ықпалы артқан.

Сонымен қатар, Уганда басшылары Израильді қолдайды, ал оның басшылығын Эрдоған үнемі сынап отырады.

Уганда туралы анықтама

Уганда – Шығыс Африкадағы теңізге шыға алмайтын ел. Уганда экономикасы негізінен ауыл шаруашылығына сүйенеді. Әлемдік стандарттар бойынша елдің әскери күші шектеулі, бірақ Шығыс Африка аймағындағы ең ұйымдасқан армиялардың бірі болып саналады. Уганда армиясы Африкадағы бірнеше аймақтық жанжалдар мен бітімгершілік операцияларға қатысып, белгілі бір жауынгерлік тәжірибе жинақтаған.

Естеріңізге сала кетейік, 2022 жылдың күзінде Уганда президенті ұлының сөздері үшін Кения тұрғындарынан кешірім сұрауға мәжбүр болған еді. Ұлы әлеуметтік желіде бұл елмен болатын соғыс туралы даулы мәлімдемелер жасаған.