InfoHub Logo

АҚШ президенті Дональд Трамп қатысқан Ақ үй тілшілер қауымдастығының дәстүрлі кешкі асында оқыс оқиға орын алды. Washington Hilton қонақүйіндегі банкет залында белгісіз адам оқ атты. Бұл туралы Associated Press хабарлады.

Бұл туралы Infohub.kz ақпарат агенттігі хабарлайды.

Алдын ала мәліметтер бойынша, атыс кезінде ешкім зардап шеккен жоқ. Алайда, куәгерлердің айтуынша, бес-сегіз рет оқ атылған дыбыс естілген. Оқиға кезінде банкет залында жүздеген журналист, танымал тұлғалар мен саясаткерлер болған. Қауіпсіздік қызметі оларды дереу эвакуациялады.

Күдікті ұсталды, шара кейінге шегерілді

Президент Трамп құқық қорғау органдарының жедел әрекетін жоғары бағалады. Оның сөзінше, күдікті ұсталған. Шара жоспарланғандай жалғаспағандықтан, кейінге шегерілді.

Аталған кеш АҚШ-та дәстүрлі түрде өтіп, саясаткерлер мен БАҚ өкілдерінің бейресми қарым-қатынас орнатуына мүмкіндік беретін маңызды шара саналады. Дегенмен, кейбір басылымдар мұндай кездесулерге қатысудан бас тартқан болатын.

Оқиға қарсаңында жүздеген бұрынғы журналист баспасөз еркіндігін қорғауға шақырған үндеуге қол қойғаны белгілі.