14 - 15 عاسىرلارداعى قازاقستاننىڭ ەكونوميكالىق جاعدايى
كونسپەكت
مونعول شاپقىنشىلىعىنان كەيىن مال شارۋاشىلىعى مەن وتىرىقشىلىق قالالىق ءومىر ءحىىI عاسىردىڭ سوڭىندا قايتا جاندانا باستادى. شارۋاشىلىقتىڭ 3 ءتۇرى بولدى. وتىرىقشى جەر شارۋاشىلىعى وڭتۇستىك قازاقستاندا دامىدى. جارتىلاي كوشپەلى مال شارۋاشىلىعى باتىس جانە سولتۇستىك قازاقستان ايماقتارىندا جانداندى. جارتىلاي وتىرىقشى مال شارۋاشىلىعى جەتىسۋدا دامىعان. مال ءوسىرۋدىڭ ءۇشىنشى ءتۇرى – كوشپەلى مال شارۋشىلىعى ورتالىق، سولتۇستىك قازاقستان جانە باتىس قازاقستان تۇرعىندارىنىڭ كوشىپ، قونۋ باعىتتارىنا بايلانىستى قالىپتاستى. سۋارمالى ەگىن شارۋاشىلىعىنىڭ ورتالىعىنا ياسى، ساۋران، وتىرار قالالارىن جاتقىزۋعا بولادى. جەتىسۋدىڭ وڭتۇستىك - باتىس جاعىندا، تاراز ماڭىندا قالالىق ءومىر ساقتالىپ، سۋارمالى ەگىنشىلىك ورتالىعى بولعان. مونعول شاپقىنشىلىعى قالالىق مادەنيەتتىڭ دامۋىنا زاردابىن تيگىزدى. ىلە القابىنداعى قالالىق مادەنيەت 13 عاسىردىڭ سوڭى مەن 14 عاسىردىڭ باسىندا مۇلدەم قۇرىپ ءبىتتى. تالاس جاعاسىندا 1269 جىلى قۇرىلتاي وتكىزىلىپ، وتىرىقشى حالىق پەن قالا تۇرعىندارىنان بەلگىلەنگەن سالىق كولەمىنەن ارتىق الۋعا تىيىم سالىنعان زاڭ شىعارىلدى. قالالىق ءومىردىڭ دامىعان كەزى – اق وردا حاندارى ساسى - بۇقا، ەرزەن، مۇباراك، شىمتايلاردىڭ بيلىك قۇرعان تۇسى.
كۇلتوبە، راڭ قالالارىنان ىدىس جاسايتىن شەبەرحانا ورىندارى تابىلدى. 13 عاسىردىڭ ەكىنشى جارتىسىنان باستاپ سىرداريا قالالارىندا كىرپىش كۇيدىرۋ كاسىبى وركەندەي باستاعان. وتىرار، تۇركىستان قالالارىنان جەرگىلىكتى شەبەرلەر جاساعان قولا اينالار مەن شىراعداندار تابىلدى. كۇمىستەن جاسالعان وراما بىلەزىكتەر وڭتۇستىك قازاقستاندا جانە ورتا ازيانىڭ سولتۇستىك اۋداندارىندا كەڭ تاراعان. وتىرار، تاراز قالالارىندا اينەك جاساۋ كاسىبى 10 - 11 عاسىرلاردان بەلگىلى بولعان. مونعول شاپقىنشىلىعىنان كەيىن بۇل كاسىپ توقىراۋعا ۇشىراعانىمەن، 13 عاسىردىڭ اياعىندا قايتا جاندانا باستاعان. قالالىق مادەنيەتتىڭ دامۋى ادام تىرشىلىگىنە قاجەتتى بارلىق كاسىپتىڭ جاندانۋىنا جول اشتى.
كونسپەكت سۇراقتار
1. مال شارۋاشىلىعى مەن وتىرىقشىلىق ءومىر قايتا جاندانا باستاعان كەزەڭ:
2. 14 - 15 عاسىرلارداعى شارۋاشىلىقتىڭ نەگىزگى تۇرلەرى:
3. 14 - 15 عاسىرلارداعى كوشپەلى مال شارۋاشىلىعىمەن اينالىساتىنداردىڭ كوشۋ باعىتىنىڭ ۇزاقتىعى:
4. تومەنارىق، بوزعىلارىق كانالدارى قازىلعان جەر:
5. 14 - 15 عاسىرلارداعى ۆاقف - گراموتاسى بويىنشا بەرىلدى:
6. 14 - 15 عاسىرلارداعى سۋارمالى ەگىنشىلىكتىڭ ورتالىعى:
7. ىلە القابىندا قالالىق مادەنيەت مۇلدەم جويىلدى:
8. 1269 جىلعى تالاس جاعاسىنداعى قۇرىلتايدا قاراستىرىلعان ماسەلە:
9. 14 - 15 عاسىرلارداعى قالالاردا تىرشىلىكتىڭ جاندانا باستاۋى تۋرالى جازدى:
10. اق وردا حاندارى ەرزەن، مۇباراك تۇسىندا:
11. 14 عاسىرداعى كۇلتوبە، راڭ قالالارىنىڭ ورنىنان تابىلدى:
12. كىرپىش كۇيدىرەتىن شەبەرحانالارى بولعان قالالار:
13. 14 - 15 عاسىرلاردا وتىرار مەن تۇركىستاننىڭ جەرگىلىكتى شەبەرلەرى جاساعان بۇيىمدار:
14. 14 - 15 عاسىرلارداعى كۇمىستەن جاسالعان وراما بىلەزىكتەر كەڭ تاراعان ايماق:
15. اينەك جاساۋ كاسىبى بەلگىلى بولعان كەزەڭ:
تاقىرىپتىڭ تەستى

14 - 15 عاسىرلارداعى قازاقستاننىڭ ەكونوميكالىق جاعدايى. جۇكتەۋ