14 جاستاعى قازاقستاندىق فۋتبولشى كارىم مەنديكانوۆ يسپانيالىق «بارسەلونامەن» كەلىسىمشارتقا قول قويدى. ەندى ول كاتالونيالىق كلۋبتىڭ جاسوسپىرىمدەر كوماندالارىندا ونەر كورسەتەدى، دەپ حابارلايدى infohub.kz.
«ومىرىمدەگى ەڭ ۇلكەن كلۋبپەن كەلىسىمشارت جاساسقانىما وتە قۋانىشتىمىن»، — دەپ جازدى مەنديكانوۆ الەۋمەتتىك جەلىدە «بارسەلونا» كەڭسەسىندە تۇسكەن سۋرەتىن جاريالاپ.
كارىم مەنديكانوۆ 2011 جىلى 10 قاراشادا ورال قالاسىندا دۇنيەگە كەلگەن. «بارسەلوناعا» اۋىسقانعا دەيىن ول كاتالونيالىق «سان-كۋگات» كلۋبىندا ويناعان. ەنشىسىندە قازاقستاننىڭ 16 جاسقا دەيىنگى يۋنيورلىق قۇراماسىندا ءبىر ويىن وتكىزگەن.
بۇعان دەيىن تاعى ءبىر قازاقستاندىق فۋتبولشى — 17 جاستاعى داستان ساتپايەۆ الماتىنىڭ «قايراتىنان» لوندوندىق «چەلسيگە» اۋىسقان ەدى. اعىلشىن كلۋبى شابۋىلشىنىڭ قۇقىعى ءۇشىن قازاقستاندىق فۋتبول تاريحىنداعى رەكوردتىق 4،3 ميلليون ەۋرو تولەدى. ساتپايەۆ «قايراتتاعى» سوڭعى ويىنىن دۋبلمەن اياقتادى.