ون جىلدان استام ۋاقىت بۇرىن جاسالعان قىلمىس اقىرى اشىلدى. زاماناۋي كريميناليستيكا ادىستەرىنىڭ ارقاسىندا پاۆلودار وبلىسىندا 2012 جىلى 62 جاستاعى ايەلدى زورلاپ، ولتىرگەن كۇدىكتىنىڭ تۇلعاسىن انىقتاۋ مۇمكىن بولدى، دەپ حابارلايدى infohub.kz سايتى.
ىشكى ىستەر مينيسترلىگىنىڭ اقپاراتتىق مەدياپورتالىندا حابارلانعانداي، 2012 جىلى باۋ-باقشا سەرىكتەستىكتەرىنىڭ ءبىرىنىڭ اۋماعىندا قاتىگەز قىلمىس جاسالعان: ايەل زورلانىپ، ولتىرىلگەن. سول كەزدە بارلىق كۇش-جىگەرگە قاراماستان، كۇدىكتىنى انىقتاۋ مۇمكىن بولماعان. الايدا بۇل قىلمىستى اشۋ جۇمىستارى ءبىر كۇن دە توقتاعان جوق.
جەدەل ۋاكىلدەر مەن كريميناليستەردىڭ بىرلەسكەن جۇمىسى، سونداي-اق دنك دەرەكتەر بازاسى بويىنشا تەكسەرۋ ناتيجەسىندە بولجامدى قىلمىسكەردىڭ ىزىنە ءتۇسۋ مۇمكىن بولدى. ول بۇرىن سوتتالعان 1964 جىلى تۋعان ەر ادام بولىپ شىقتى. جۇرگىزىلگەن دنك-تالداۋ ونىڭ قىلمىسقا قاتىسىن راستادى. دالەلدەردىڭ سالماعىمەن ەر ادام كىناسىن مويىندادى.
كۇدىكتى ۇستالىپ، سوت سانكسياسىمەن قاماۋعا الىندى. بۇل وقيعا زاماناۋي كريميناليستيكانىڭ مۇمكىندىكتەرىن ايقىن كورسەتەدى. 14 جىل بۇرىن قىلمىسكەردى انىقتاۋعا مۇمكىندىك بەرمەگەن ءىز بۇگىن ونى اشكەرەلەۋدىڭ كىلتىنە اينالدى.
ىشكى ىستەر مينيسترلىگى وتكەن جىلدارداعى اشىلماعان قىلمىستارعا قايتا ورالىپ، ساقتالعان دالەلدەمەلەردى قايتا زەرتتەپ، كريميناليستيكالىق زەرتتەۋلەردىڭ جاڭا ادىستەرىن قولدانۋدى جالعاستىرۋدا. جازانىڭ بۇلتارتپاستىعى ءپرينسيپى تولىق قامتاماسىز ەتىلەتىن بولادى.