امەريكالىق ينجەنەر نەيتان توماس گيننەسس رەكوردتار كىتابىنا تاريحتاعى ەڭ جاس ەر پروفەسسور رەتىندە رەسمي تۇردە ەنگىزىلدى. ول 18 جاسىندا فلوريدا شتاتىنداعى مايامي-دەيد كوللەدجىندە بولاشاق ينجەنەرلەرگە ارنالعان باعدارلامالاۋ كۋرسىن وقىتا باستادى، دەپ حابارلايدى infohub.kz سايتى.
وسى ناتيجەمەن توماس 1717 جىلدان بەرى ساقتالىپ كەلگەن شوتلاند ماتەماتيگى كولين ماكلورەننىڭ رەكوردىن جاڭارتتى. دارىندى جىگىتتىڭ وقۋ جولى 10 جاسىندا قاتار وقۋ باعدارلاماسىمەن باستالدى. 14 جاسىندا توماس فلوريدا حالىقارالىق ۋنيۆەرسيتەتىنە اۋىسىپ، 18 جاسىندا ەلەكتروتەحنيكا سالاسىندا باكالاۆر جانە ماگيستر دارەجەلەرىن ۇزدىك اياقتادى. وسىدان كەيىن ول ءوزىنىڭ العاشقى كوللەدجىنە ورالىپ، كوپشىلىگى ءوز قۇربىلارى بولعان ستۋدەنتتەرگە ءدارىس وقي باستادى.
نەيتان توماستىڭ ايتۋىنشا، ءبارى وقۋعا جينالعان اۋديتوريادا جاس ماڭىزدى ەمەس. ول بىلىممەن ءبولىسۋ مۇمكىندىگى ءۇشىن ۋنيۆەرسيتەتكە العىسىن ءبىلدىردى. ءقازىر 21 جاستاعى مامان ونلاين ساباق بەرەدى جانە مايامي ۋنيۆەرسيتەتىندە زاڭگەرلىك ءبىلىم الۋدا.