19 قازان - راقىمجان قوشقاربايەۆ 95 جاستا
راقىمجان قوشقاربايەۆ بەرليندەگى رەيحستاگقا جەڭىس تۋىن تىككەن قازاق ازاماتى، حالىق قاھارمانى. 1924 ج. 19 قازاندا اقمولا وبلىسى اقمولا اۋدانىندا دۇنيەگە كەلگەن. 1942 ج. اسكەرگە الىنىپ، 1944 ج. فرۋنزەدەگى (بىشكەك) جاياۋ اسكەر ۋچيليششەسىن بىتىرگەن. 1944 ج. قازان ايىنان باستاپ I بەلورۋس مايدانىنداعى 150 - يدريسك اتقىشتار ديۆيزياسى قۇرامىندا ۆزۆود باسقارىپ، پولشا جانە گەرمانيا جەرلەرىندەگى ۇرىستارعا قاتىناستى. لەيتەنانت قوشقاربايەۆ بەرلين وپەراسياسى كەزىندە اسقان ەرلىك كورسەتتى. 30 - ساۋىردە ول جاۋىنگەر گريگوري بۋلاتوۆ ەكەۋى كەڭەس اسكەرلەرى اراسىنان رەيحستاگقا الدىمەن جەتىپ، جەڭىس تۋىن تىكتى. سوعىستان كەيىنگى جىلدارى ەلبا بويىنداعى كەڭەستىك وككۋپاسيالىق اسكەر بولىمىندە قىزمەت اتقاردى.
قىزىل تۋ، 1 - دارەجەلى وتان سوعىسى وردەندەرىمەن، كوپتەگەن مەدالدارمەن ماراپاتتالعان. 
1988 ج. 10 تامىزدا الماتى قالاسىندا قايتىس بولدى. قوشقاربايەۆ راقىمجان... كوكىرەگىمىزدە ەرەكشە كوڭىل مەن ماقتانىش سەزىمىن ۇيالاتاتىن وسى ءبىر ەسىمدى بىلمەيتىن قازاق، وسى باتىردىڭ ەرلىگىن قايتالاۋدى ارماندامايتىن جاس ۇرپاق جوق بولار، ءسىرا؟ ويتكەنى، راقىمجان ەرلىگى – ەرىكسىز باس يدىرەتىن ەرەن ەرلىك.