ستەپنوگورسكىدە 21 جاستاعى قىز كولىك ۇرلاپ، ونىمەن جول-كولىك وقيعاسىن جاسادى. اپات كەزىندە ول ماس كۇيدە بولعان. بۇل تۋرالى infohub.kz سايتى حابارلايدى.
پوليسەيلەر انىقتاعانداي، قىز جۇما كۇنى كەشكە تانىستارىمەن بىرگە الكوگول ىشكەن. سودان كەيىن يەسىنىڭ رۇقساتىنسىز ونىڭ Chevrolet Lacetti كولىگىنىڭ رولىنە وتىرىپ، كەتىپ قالعان.
ماس كۇيىندە قىز كولىكتى باسقارا الماي، اپاتتىق جاعداي تۋعىزىپ، ەكى كولىكپەن سوقتىعىسقان. جكو سالدارىنان جول قوزعالىسىنا قاتىسۋشىلاردىڭ ەشقايسىسى زارداپ شەكپەدى. ۇرلانعان شەتەل كولىگى مەحانيكالىق زاقىم الدى. كولىك يەسىنە كەلتىرىلگەن شىعىن شامامەن 500 مىڭ تەڭگەنى قۇرادى.
كولىك يەسىنىڭ ارىزى بويىنشا پوليسەيلەر كولىكتى زاڭسىز يەلەنۋ فاكتىسىن تىركەدى. قىلمىستىق ءىس قوزعالىپ، تەرگەۋ جۇرگىزىلۋدە.
سونىمەن قاتار، كولىكتى ماس كۇيدە باسقارعانى ءۇشىن قىز اكىمشىلىك جاۋاپكەرشىلىككە تارتىلدى. وعان 860 مىڭ تەڭگەدەن استام مولشەردە ايىپپۇل تۇرىندەگى اكىمشىلىك جازا قولدانىلدى.