جاقسىلار جانىن قيدى قاسىرەتپەن، 
الاشتىڭ ەرلەرى بار اسىل وتكەن. 
ارمانىم بولماس ەدى-اۋ تۋعان ەلىم، 
گۇل جايناپ، قازاق بولىپ تاسىپ وتسەم.

ءور ەلىم، ماڭدايىڭنان جارىق كوردىم، 
بابالار ونەگەسىن الىپ كەلدىم. 
ەسكەرتكىش ەلىم ءۇشىن ورناتپاسام، 
مىنا جالعان ومىرگە نەعىپ كەلدىم؟ 

رۋحىنان جاقسىلاردىڭ نۇر ساۋلاعان، 
جانىمدى مەيىرىمى قۇرساۋلاعان. 
جايساڭ ولكە، جايدارى قازاقستان، 
شۋاق شاشقان ساۋلەلى كۇنسىڭ ماعان! 

نۇرىنا شومىلدىرىپ التىن كۇننىڭ، 
رەسپۋبليكام ەرتەڭگە تالپىندىردىڭ. 
وزىنەن شابىت الىپ اقىن قيال، 
شالىقتاپ كەڭ دالادا شالقىپ ءجۇرمىن. 

ەگەمەن ەلىم دەسەم، سەنىم كىرىپ، 
بويىمدى بيلەپ كەتەر سەنىمدىلىك. 
ەشكىمگە اۋىستىرماس التىن وتان، 
جىرلايمىن قاسيەتىڭدى توگىلدىرىپ. 

جارقىراپ جانعان كۇندەي ازاتتىعى، 
كورىنەر ۇلتىمنىڭ دا عاجاپتىعى. 
رەسپۋبليكا كۇنىمەن قۇتتىقتايمىن، 
ويتكەنى ول - ۇلت كۇنى، قازاق كۇنى!

25 قازان رەسپۋبليكا كۇنىنە ارنالعان قۇتتىقتاۋ ولەڭدەر:
بولماسىنشى قايعى-مۇڭ
بار جاقسىنى تىلەيمىن
جيىرما بەسىنشى قازان بۇل
قۇتتىقتايمىن قازاعىم مەرەكەڭمەن
رەسپۋبليكا كۇنىمەن
جاسا، جاينا قازاعىم ەلىم مەنىڭ
رەسپۋبليكا كۇنىمەن قۇتتىقتايمىن!
رەسپۋبليكا كۇنىندە
رەسپۋبليكا كۇنى بۇل
بۇگىن ۇلكەن مەرەكە قۇتتى بولسىن!
25 قازان - رەسپۋبليكا كۇنى