قازاقستاندا 25 شىلدە مەن 5 تامىز ارالىعىندا اقىلى بولىمگە تۇسۋشىلەر ءۇشىن تامىز ايىنداعى ۇلتتىق ءبىرىڭعاي تەستىلەۋگە (ۇبت) ءوتىنىم قابىلداۋ باستالادى، دەپ حابارلايدى infohub.kz سايتى.
ءوتىنىمدى app.testcenter.kz سايتى نەمەسە UTO.kz قوسىمشاسى ارقىلى بەرۋگە بولادى. تەستىلەۋدىڭ ءوزى 10-15 تامىز ارالىعىندا وتەدى، دەپ ناقتىلادى ۇلتتىق تەستىلەۋ ورتالىعى.
تامىز ايىنداعى ۇبت ءۇش ساناتتاعى تالاپكەرلەرگە ارنالعان. بىرىنشىدەن، قايتا تاپسىرۋ ءۇشىن: الدىڭعى تەستىلەۋلەردە شەكتى بالل جيناي الماعاندار، سونداي-اق وتكەن جىلدارداعى شارتتى تۇردە قابىلدانعان ستۋدەنتتەر. ەكىنشىدەن، بەيىنىن وزگەرتۋ ءۇشىن: مامىر-ماۋسىم ايلارىنداعى تەستىلەۋگە قاتىسۋشىلار بەيىندىك پاندەر كومبيناسياسىن وزگەرتە الادى. ۇشىنشىدەن، اۋىسۋ ءۇشىن: شىعارماشىلىق ماماندىقتاردان قاراپايىم نەمەسە پەداگوگيكالىق باعىتتارعا اۋىسۋدى جوسپارلاپ وتىرعان ستۋدەنتتەر.
اعىمداعى جانە وتكەن جىلدارداعى مەكتەپ جانە كوللەدج تۇلەكتەرى، قانداستار، سونداي-اق شەتەلدە مەكتەپ بىتىرگەن قازاقستاندىقتار تىركەلە الادى. ءوتىنىم بەرۋ كەزىندە قاتىسۋشىلار تاپسىراتىن پۋنكتتى، كۇنى مەن ۋاقىتىن وزدەرى تاڭدايدى.
كوللەدج تۇلەكتەرى ءوز ماماندىعى بويىنشا جوعارى وقۋ ورنىندا اقىلى نەگىزدە وقۋدى جالعاستىرعىسى كەلەتىن بولسا، ۇبت-سىز — ۋنيۆەرسيتەتتىڭ قابىلداۋ كوميسسياسىنداعى سۇحبات ناتيجەسى بويىنشا تۇسە الادى.