قازاقستاندىق عالىمداردىڭ اۋقىمدى زەرتتەۋى قاۋىپسىزدىك نورمالارى ساقتالعان جاعدايدا 4G جانە 5G تەحنولوگيالارىنىڭ دەنساۋلىققا زيانى تۋرالى ناقتى دالەلدەر جوق ەكەنىن كورسەتتى، دەپ حابارلايدى infohub.kz.
عىلىمي جانە مەديسينالىق ۇيىمداردىڭ ماماندارى بۇل تەحنولوگيالاردىڭ ادام اعزاسىنا اسەرىنە ارنالعان 255-تەن استام عىلىمي جاريالانىمدى، ونىڭ ىشىندە مەتا-تالداۋلار مەن جۇيەلى شولۋلاردى تالدادى.
تالداۋدا: «حالىقارالىق ەلەكتروماگنيتتىك قاۋىپسىزدىك نورمالارى ساقتالعان كەزدە 5G تەحنولوگياسىنىڭ ادام دەنساۋلىعىنا ۇزاق مەرزىمدى تەرىس اسەرى تۋرالى ناقتى عىلىمي دالەلدەر الىنعان جوق»، — دەپ اتاپ كورسەتىلگەن.
زەرتتەۋشىلەر راديو جيىلىكتەگى ساۋلەلەنۋدىڭ اسەرى ءالى دە زەرتتەلىپ جاتقانىن، كەيبىر ماسەلەلەر عىلىمي پىكىرتالاس تۋدىرىپ جاتقانىن ايتادى.
قازاقستاندا ەلەكتروماگنيتتىك ورىستەردىڭ دەڭگەيى سانيتارلىق نورماتيۆتەرمەن رەتتەلەدى. حالىق ءۇشىن گيگيەنالىق قاۋىپسىزدىك قورى بار رۇقسات ەتىلگەن كورسەتكىشتەر بەلگىلەنگەن.
دەنساۋلىق ساقتاۋ مينيسترلىگىنىڭ جاريالانىمىندا: «بەلگىلەنگەن تالاپتار ساقتالعان كەزدە ۇيالى بايلانىس مۇنارالارىنىڭ جانە 4G/5G جابدىقتارىنىڭ بولۋى ولاردى حالىقتىڭ دەنساۋلىعىنا ءقاۋىپتى دەپ ساناۋعا نەگىز بولمايدى»، — دەلىنگەن.
عالىمدار ىقتيمال قاۋىپتەر تۋرالى اقپاراتتى الەۋمەتتىك جەلىلەردەگى تەكسەرىلمەگەن حابارلامالارعا ەمەس، عىلىمي جانە رەسمي كوزدەرگە سۇيەنە وتىرىپ باعالاۋعا شاقىردى.