الماتىدا كۇشتى جەر سىلكىنىستەرى تۋرالى ەرتە ەسكەرتۋدىڭ اۆتوماتتاندىرىلعان جۇيەسى ەنگىزىلۋدە. بۇگىنگى كۇنى بارلىق 40 ورنالاسۋ ورنىنىڭ كوورديناتتارى انىقتالىپ، 35 سەيسميكالىق ستانسيا سالىندى، دەپ حابارلايدى infohub.kz سايتى.
قالانىڭ موبيليزاسيالىق دايىندىق، اۋماقتىق جانە ازاماتتىق قورعانىس باسقارماسى ورناتۋ ورىندارى گەولوگيالىق، گەوفيزيكالىق جانە سەيسميكالىق جاعدايلاردى ەسكەرە وتىرىپ تاڭدالعانىن حابارلادى. قازىرگى ۋاقىتتا تۇراقتى جەر پايدالانۋ ءۇشىن جەر ۋچاسكەلەرى رەسىمدەلۋدە.
جاڭا ستانسيالاردى قولدانىستاعى سەيسميكالىق باقىلاۋ جەلىسىمەن ينتەگراسيالاۋ جوسپارلانۋدا. بۇل مونيتورينگ اياسىن كەڭەيتىپ، كۇشتى جەر سىلكىنىستەرى تۋرالى دەرەكتەردى تەزىرەك الۋعا مۇمكىندىك بەرەدى. جەكە اتاپ وتسەك، 2025 جىلدان باستاپ 70 اۆتوماتتاندىرىلعان ەرتە انىقتاۋ ستانسياسىن ورناتۋ بويىنشا جۇمىس جۇرگىزىلۋدە: بۇگىنگى كۇنى 65ء-ى سالىندى، تاعى بەسەۋى جىل سوڭىنا دەيىن اياقتالادى دەپ كۇتىلۋدە.
ىسكە قوسىلعاننان كەيىن بارلىق جاڭا ستانسيالار 28 بۇرىننان جۇمىس ىستەپ تۇرعان ەرتە ەسكەرتۋدىڭ اۆتوماتتاندىرىلعان جۇيەسىنىڭ نىساندارىنا قوسىلادى. حالىقتى شۇعىل حاباردار ەتۋ ءۇشىن Mass Alert جاپپاي حابارلاۋ جۇيەسىن ەنگىزۋ جالعاسۋدا.
سونىمەن قاتار، الماتىدا اگلومەراسيانىڭ سەيسموگەوديناميكالىق جاي-كۇيىن زەرتتەۋ بويىنشا ءۇش جىلدىق جوبا جۇزەگە اسىرىلۋدا. ونىڭ اياسىندا تەكتونيكالىق جارىلىمداردىڭ سيفرلىق كارتاسى، سەيسميكالىق مودەل جانە گەوديناميكالىق بەلسەندىلىك ايماقتارىنىڭ كارتاسى دايىندالىپ، جەر بەتىنىڭ ىعىسۋى مەن دەفورماسياسى باعالانۋدا. سونىمەن قاتار، 2026–2035 جىلدارعا ارنالعان تۇرعىن ۇيلەر مەن الەۋمەتتىك نىسانداردىڭ سەيسميكالىق توزىمدىلىگىن ارتتىرۋ جوسپارى بەكىتىلدى.
بيلىك الەۋمەتتىك جەلىلەر مەن مەسسەندجەرلەردە تارالعان كۇشتى جەر سىلكىنىسى كۇتىلەدى دەگەن حابارلاردى جوققا شىعاردى. قازاقستان رەسپۋبليكاسى توتەنشە جاعدايلار مينيسترلىگىنىڭ ۇلتتىق سەيسمولوگيالىق باقىلاۋلار مەن زەرتتەۋلەر عىلىمي ورتالىعى الماتىدا جويقىن دۇمپۋلەردىڭ جاقىنداعانىن كورسەتەتىن سەيسميكالىق رەجيمنىڭ انومالدى وزگەرىستەرى تىركەلمەگەنىن مالىمدەدى. ماماندار قازىرگى عىلىم بولاشاق جەر سىلكىنىسىنىڭ كۇنىن، ورنىن، ۋاقىتى مەن كۇشىن ناقتى انىقتاۋعا مۇمكىندىك بەرمەيتىنىن ەسكە سالدى.