7 مامىر - وتان قورعاۋشىلار كۇنى!
بۇگىن ەلىمىزدىڭ قورعانىس قابىلەتىنىڭ كەمەلدەنگەنىن بىلدىرەتىن مەرەكە. 1991 جىلى 25 قازاندا قازاقستان پرەزيدەنتىنىڭ جارلىعىمەن قازاق كسر - ڭ مەملەكەتتىك قورعانىس كوميتەتى قۇرىلدى. كەيىن رەسپۋبليكانىڭ قورعانىس ماسەلەلەرىن تولىق تۇردە جەكە شەشۋگە كوشۋىنە بايلانىستى قورعانىس كوميتەتى قازاقستان رەسپۋبليكاسىنىڭ قورعانىس مينيسترلىگى بولىپ قايتا قۇرىلدى. 1992 جىلدىڭ 7 مامىرىندا تاۋەلسىز ەلدىڭ زاڭدىق قۇقىقتارىنىڭ نەگىزدەرىنە جانە تاۋەلسىز مەملەكەتتەر دوستىعىنا قاتىسۋشى مەملەكەتتەر اراسىنداعى قول جەتكەن كەلىسىمدەرگە بايلانىستى ق ر پرەزيدەنتى ن. ءا. نازارباەۆتىڭ جارلىعى شىقتى. بۇل جارلىق بويىنشا، قازاقستان اۋماعىنا ورنالاسقان قارۋلى كۇشتەر وزدەرىنىڭ م ۇلىكتەرىمەن قوسا، رەسپۋبليكانىڭ قاراۋىنا ءوتتى. جوعارعى باس قولباسشى رەتىندە قارۋلى كۇشتەردى باسقارۋدى پرەزيدەنت ءوز موينىنا الدى. ەلباسىنان باسقا قورعانىس ىسىمەن تىكەلەي شۇعىلداناتىن العاشقى قورعانىس ءمينيسترى بولىپ گەنەرال - پولكوۆنيك س. نۇرماعانبەتوۆ تاعايىندالدى. بۇل كۇن قازاقستان رەسپۋبليكاسىنىڭ قارۋلى كۇشتەرىنىڭ قۇرىلعان كۇنى بولىپ قۇرىلعاندىقتان «7 مامىر وتان قورعاۋشىلار كۇنى» دەپ جاريالاندى.

اتالعان جىلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جارلىعىمەن ءۇش جۇيەلى شتاب - جاياۋ اسكەرلەر، اۋە قورعانىسى كۇشتەرى مەن اسكەري - تەڭىز كۇشتەرىنىڭ باس شتابتارى بەكىتىلدى. اەروۇتقىر كۇشتەرگە جوعارعى باس قولباسشىنىڭ رەزەرۆى قۇزىرى بەرىلدى. 2001 جىلدان قازاقستان 4 اسكەري - ورتالىق، وڭتۇستىك، باتىس جانە شىعىس وكرۋگكە ءبولىندى.

بۇگىنگى كۇنى قازاقستان ءوز ازاماتتارىنىڭ اسكەري قىزمەت اتقارۋىنىڭ جاعدايى مەن ءتارتىبىن دەربەس انىقتايدى، ءوز اۋماعىندا اسكەرلەردىڭ، قارۋ – جاراقتىڭ جانە تەحنيكانىڭ ورنالاسۋ ماسەلەسىن شەشەدى. قازاقستان رەسپۋبليكاسىنىڭ قارۋلى كۇشتەرىنە جالپى ماقساتتاعى كۇشتەر، اۋە - قورعانىس كۇشتەرى، مەملەكەتتىك شەكارانى قورعاۋ كۇشتەرى جانە دە ۇلتتىق گۆارديا مەن ىشكى اسكەرلەر كىرەدى. ءوز كەزەگىنە قاراي، قارۋلى كۇشتەر ءتۇرلى بولىمدەردەن جانە ءار ءتۇرلى قۇرامالار مەن ارنايى اسكەرلەردەن تۇرادى.

توپ تاربيەشىسى: اداموۆا نۋرگۋل بەيسەمباەۆنا
7 مامىر - وتان قورعاۋشىلار كۇنى!. جۇكتەۋ