ۇلىبريتانيانىڭ 97 جاستاعى تۇرعىنى بەتتي برومەيدج ۇشاق قاناتىندا ۇشۋ جاسى بويىنشا ەڭ ۇلكەن ايەل رەتىندەگى مارتەبەسىن تاعى دا راستادى. بۇل ەكسترەمالدى تريۋكتى ول التىنشى رەت ورىنداپ، گيننەسس كىتابىنا ەنگەن ءوز رەكوردىن جاڭارتتى، دەپ حابارلايدى infohub.kz.
چەلتنەمنەن شىققان بەتتي برومەيدج قاناتتا ۇشۋدى العاش رەت 87 جاسىندا سىناپ كوردى. وتكەن جىلى تامىزدا ول ينسۋلت الىپ، سويلەۋ قابىلەتىنە اسەر ەتكەنىمەن، باتىل زەينەتكەردى بۇل توقتاتا المادى. ءوز ۇشۋى ارقىلى ول چەلتنەم جالپى اۋرۋحاناسىنىڭ ينسۋلت بولىمشەسىنە قايىرىمدىلىق قاراجات جيناۋدى كوزدەدى، ويتكەنى ءدال وسى اۋرۋحانانىڭ دارىگەرلەرى وعان اۋرۋ كەزىندە كومەكتەسكەن ەدى. بۇعان دەيىن برومەيدج ءوزى مەدبيكە بولىپ جۇمىس ىستەگەن.
چەلتنەم مەن گلوستەر اۋرۋحانالارىنىڭ قايىرىمدىلىق قورىنىڭ وكىلى يمودجەن سيمس برومەيدجدى باتىلدىعى مەن قولداۋى ءۇشىن العىس ءبىلدىردى. ونىڭ ايتۋىنشا، قايىرمالدىقتار پاسيەنتتەر مەن پەرسونالعا ارنالعان جابدىقتاردى ساتىپ الۋعا جۇمسالادى. رەكوردشىنىڭ ءوزى جالعىز قيىندىق — بويىنىڭ الاسالىعىنان قاناتقا كوتەرىلۋ ەكەنىن، ال ۇشۋدىڭ ءوزى وعان ۇلكەن قۋانىش سىيلاپ، زەرىگۋدەن قۇتقاراتىنىن مويىندادى.