اباي وبلىسىندا شامامەن 5 مىڭ گەكتار جەردى شارپىعان تابيعي ءورت تولىق ءسوندىرىلدى. بۇل تۋرالى قازاقستاننىڭ توتەنشە جاعدايلار مينيسترلىگىنىڭ ءباسپاسوز قىزمەتى حابارلادى، دەپ جازادى infohub.kz سايتى.
ۆەدومستۆونىڭ مالىمەتىنشە، قۇرعاق ءشوپ پەن بۇتالار تارباعاتاي اۋىلدىق وكرۋگىنىڭ قازانكەمىر ۋچاسكەسىندە — تاۋلى جانە قولجەتىمسىز جەردە تۇتانعان. ءدال وسى بەدەر ءورت سوندىرۋشىلەردىڭ جۇمىسىن ايتارلىقتاي قيىنداتتى.
جالىن شامامەن 5 000 گەكتار اۋماققا تارالدى. توتەنشە جاعدايلار مينيسترلىگىنىڭ ناقتىلاۋىنشا، ءورتتى ءسوندىرۋ بارىسىندا «قازاۆياسپاس» اكسيونەرلىك قوعامىنىڭ جانە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۆياسيالىق قىزمەتىنىڭ ۇشاقتارىمەن جالپى كولەمى 71 توننا سۋدى 26 رەت تاستاۋ جۇزەگە اسىرىلدى.
«ءورتتى سوندىرۋگە اباي وبلىسى مەن شىعىس قازاقستان وبلىسىنىڭ تجد بولىمشەلەرى، جەرگىلىكتى اتقارۋشى ورگاندار، ورمان شارۋاشىلىعى قىزمەتكەرلەرى، سونداي-اق «قازاۆياسپاس» اق جانە ق ر ۇقك ۇشاقتارى جۇمىلدىرىلدى»، — دەلىنگەن ۆەدومستۆو مالىمدەمەسىندە.
زارداپ شەككەندەر جوق.
بۇعان دەيىن اباي وبلىسىنىڭ اياگوز اۋدانىندا، تارباعاتاي اۋىلدىق وكرۋگىنىڭ قازانكەمىر ۋچاسكەسىندە تاۋلى، قولجەتىمسىز جەردە قۇرعاق ءشوپ پەن بۇتالاردىڭ تۇتانعانى حابارلانعان. ءورت «تارباعاتاي» مەملەكەتتىك ۇلتتىق تابيعي پاركىنىڭ اۋماعىنا تارالدى.