16 شىلدەدە تۇتانعان «سەمەي ورمانى» رەزەرۆاتىنداعى ورمان ءورتى 18 شىلدەدە ساعات 9:45-تە وقشاۋلاندى، دەپ حابارلايدى infohub.kz.
ەكولوگيا مينيسترلىگىنىڭ حابارلاۋىنشا، ءورتتى جويۋعا «سەمەي ورمانى» جانە «ەرتىس ورمانى» مەملەكەتتىك ورمان تابيعي رەزەرۆاتتارىنىڭ قىزمەتكەرلەرى، «قازاۆياورمانقورعاۋ» رمك كۇشتەرى مەن قۇرالدارى، سونداي-اق تجم، ءىىم، قورعانىس مينيسترلىگى، ۇقك جانە جەرگىلىكتى اتقارۋشى ورگانداردىڭ بولىمشەلەرى جۇمىلدىرىلعان.
ۆەدومستۆونىڭ ناقتىلاۋىنشا، ءورتتى سوندىرۋگە بارلىعى 769 ادام، 191 بىرلىك جەرۇستى تەحنيكاسى جانە 8 تىكۇشاق تارتىلعان. ءورت ءسوندىرۋ بارىسىندا اۆياسيا 319 رەت سۋ شاشىپ، ءورت وشاعىنا 709 توننا سۋ جەتكىزىلگەن.
بۇعان دەيىن تابيعي ورتكە بايلانىستى «DosbolLike» بالالار لاگەرىنەن 190 بالا مەن 20 قىزمەتكەر ەۆاكۋاسيالانعانى حابارلانعان بولاتىن. پرەمەر-مينيستر ولجاس بەكتەنوۆ وقيعا ورنىنا شۇعىل تۇردە مينيسترلەردى جىبەردى. الدىڭعى كۇنى ءورت سوندىرۋشىلەر اشىق جانۋدى جويعان ەدى.