اباي وبلىسىنىڭ جارما اۋداندىق سوتىندا الدىن الا ءسوز بايلاسۋ ارقىلى بىرنەشە ادام بولىپ بوتەن م ۇلىكتى ۇرلاۋعا ارەكەت جاسادى دەپ ايىپتالعان ەكى ادامعا قاتىستى قىلمىستىق ءىس قارالدى. سوت ولاردى قىلمىستىق جاۋاپكەرشىلىكتەن بوساتتى، دەپ حابارلايدى infohub.kz سايتى.
اباي وبلىسى سوتتارىنىڭ رەسمي Telegram-ارناسىندا جاريالانعان اقپاراتقا سايكەس، ءىس ماتەريالدارى بويىنشا فيگۋرانتتار ۇيىمعا تيەسىلى 3700 ليتر ديزەل وتىنىن زاڭسىز يەمدەنۋگە ارەكەت جاساعان. الايدا ولاردىڭ ارەكەتىن كۇزەت قىزمەتىنىڭ قىزمەتكەرلەرى توقتاتقاندىقتان، قىلمىستىق ويلارىن اياعىنا دەيىن جەتكىزە الماعان.
سوتتالۋشىلاردىڭ ارەكەتى وزىنە سەنىپ تاپسىرىلعان بوتەن م ۇلىكتى يەمدەنۋ نەمەسە ىسىراپ ەتۋگە ارەكەت جاساۋ دەپ سارالاندى. باستى سوت تالقىلاۋى بارىسىندا جابىرلەنۋشى تاراپ پەن ەر ادامدار تاتۋلاسقاندىقتارىن مالىمدەپ، كەلتىرىلگەن زالال تولىق وتەلگەنىن كورسەتتى جانە مەدياسيا تارتىبىمەن قىلمىستىق ءىستى توقتاتۋدى سۇرادى.
سوت ءىس ماتەريالدارىن زەرتتەي كەلە، كىنانى مويىنداۋدى، كەلتىرىلگەن زالالدىڭ تولىق وتەلۋىن، جابىرلەنۋشى تاراپپەن تاتۋلاسۋدى جانە مەدياتيۆتىك كەلىسىم جاسالعانىن ەسكەردى.
وسى ءمان-جايلاردى نازارعا الا وتىرىپ، سوت ق ر قك 68-بابىنىڭ 1-بولىگىن قولدانۋ ءۇشىن زاڭدا كوزدەلگەن نەگىزدەر بار دەگەن قورىتىندىعا كەلدى.
سوت قاۋلىسىمەن سوتتالۋشىلارعا قاتىستى قىلمىستىق ءىس تاراپتاردىڭ تاتۋلاسۋىنا بايلانىستى توقتاتىلىپ، ولار قىلمىستىق جاۋاپكەرشىلىكتەن بوساتىلدى.
سونداي-اق سوت ءىس بويىنشا زاتتاي دالەلدەمەلەرگە قاتىستى ءتيىستى شەشىم قابىلدادى.
بۇدان بولەك، جابىرلەنۋشى تاراپتىڭ ازاماتتىق تالابى تاراپتاردىڭ تاتۋلاسۋىنا بايلانىستى توقتاتىلدى. سوت قاۋلىسى زاڭدى كۇشىنە ەنگەن جوق.