اباي اتىنداعى قازاق ۇلتتىق وپەرا جانە بالەت تەاترى اسپەندوستاعى انتيكالىق تەاتر ساحناسىندا ارام حاچاتۋرياننىڭ «سپارتاك» بالەتىن ۇسىندى. بۇل تۋرالى infohub.kz سايتى حابارلايدى.
اتاقتى اسپەندوس انتيكالىق تەاترى قويىلىمعا دەكوراسيا بولدى. ەكى مىڭ جىلعا جۋىق تاريحى بار تريبۋنالاردى سول كەشى قازاقستاندىق ترۋپپانىڭ قويىلىمىن تاماشالاعان كورەرمەندەرگە تولتىردى.
قازاقستان رەسپۋبليكاسى مادەنيەت جانە اقپارات مينيسترلىگىنىڭ مالىمەتىنشە، «سپارتاك» قويىلىمىن شامامەن 30 مىڭ ادام تاماشالادى. اباي اتىنداعى تەاتر تۇركيانىڭ مەملەكەتتىك وپەرا جانە بالەت تەاترلارى باس باسقارماسىنىڭ شاقىرۋىمەن فەستيۆالگە كەلدى.
«سپارتاك» حورەوگراف زاۋربەك رايباەۆتىڭ قويىلىمىندا ۇسىنىلدى. باستى پارتيالاردى ارحات اشيربەك، ايمان ەگيسباەۆا، سىرىم ايۋپوۆ جانە جانەل تۋكەەۆا ورىندادى.
سپەكتاكلگە سونداي-اق تەاتردىڭ بالەت ارتىستەرى مەن قازاقستاننىڭ ەڭبەك سىڭىرگەن قايراتكەرى نۇرجان ءبايبۋسينوۆتىڭ باسقارۋىنداعى سيمفونيالىق وركەسترى قاتىستى.
تەاتر ءبىزدىڭ ءداۋىرىمىزدىڭ II عاسىرىندا، ريم يمپەرياسى تۇسىندا سالىنعان. ول بۇگىنگە دەيىن ساقتالىپ، ءقازىر كونسەرتتەر مەن تەاتر قويىلىمدارىن وتكىزەتىن الاڭ رەتىندە پايدالانىلادى.
بۇعان دەيىن قازۇوب ارتىستەرى ترۋپپا ەجەلگى قالاعا بەت العاندا ستامبۋل اۋەجايىندا پەرفورمانس ۇيىمداستىرعان ەدى.